Бізді, психологтарды, аналитиктерді, азаматтардың проблемалық мәселелерімен жұмыс істейтін қоғам қайраткерлерін, эмоционалдық шиеленісті төмендету және қоғамдағы қауіпсіздік сияқты өміріміздің аса маңызды құрамдас бөліктері алаңдатады.
Кез келген белгісіздік екіге айырылып тұрған жол торабы іспеттес. Күту режімі ұзаққа созылмауы тиіс, себебі бұл келеңсіз жағдайларға не болмаса қоғамда негізсіз шиеленістің өсуіне әкелуі мүмкін.
Мемлекет басшысы «жоғары билік тұрақты және тыныш жағдайда берілгенін» атап өтті. Бұл тұрақтылықты сақтап қалу оңайға соқпайтынын біз көрші елдердің мысалында көре аламыз.
Қоғамдық-саяси келісімді қамтамасыз ету, жоспарларды құру, әлеуметтік-экономикалық даму міндеттерін шешу және олар үшін жауапкершілік алуға айқындық қажет.
Еліміздің қазіргі Президенті сайлау әділ, ашық, мөлдір болады деп жариялады. Әлемдік үдерістер үлкен қарқынмен дамиды және де қазіргі белгісіздік – біздің еліміз үшін тым қауіпті және негізсіз.
Бұл шешімді дер кезінде дана саясаткерлер қабылдаған, біз олардың тәжірибесіне сеніп, барлығымыз үшін өте маңызды мәселені шешуде өзіміздің азаматтық белсенділігімізді көрсетуіміз қажет.
Татьяна САВИЦКАЯ,
Қарағанды облысы Медиация орталықтарының басшысы
ҚАРАҒАНДЫ
