Руханият • 19 Сәуір, 2019

Әлемдік деңгейдегі 30 оқулық қазақ тіліне аударылды

882 реткөрсетілді

Заман көшінен қалмай, бәсекелес деңгейде даму әлемнің қай-қайсы мемлекетінен болмасын экономика, білім, ғылым саласындағы озық жетістіктерді игеруді талап етеді. Отандық білім кеңістігінің алдында да осындай келелі міндет тұр.

«Рухани жаңғыру» бағдарламасындағы басым бағыттардың бірі – «Жаңа гуманитарлық білім. Қазақ тіліндегі 100 жаңа оқулық» жобасы аясында заманауи игіліктерді игеріп, өскелең ұрпақты білімнің биігіне жетелеуді мақсат ете отырып, әлем тілдерінен дүниежүзі тарихы, әдебиет теориясы, халықаралық құқық және бизнес, қазіргі заманғы педагогика, өнер тарихы, интернет психологиясы, стратегиялық менеджмент, маркетинг негіздері, ұйымдық мінез-құлық, медиа және бизнес-коммуникация, адам ресурстарын басқару, дипломатия, оринтализм және семиосфера бойынша ҚР Білім және ғылым министрлігінің тапсырысымен аударылған жаңа оқулықтар таныстырылды.

Әл-Фараби атындағы ҚазҰУ кітапханасында өткен конференция барысында

ҚР Президенті әкімшілігі Ішкі саясат бөлімінің меңгерушісі, «Рухани жаңғыру» бағдарламасын жүзеге асыру жөніндегі ұлттық комиссия хатшысы Аида Балаева 30 оқулықтан тұратын биылғы жаңа оқулықтар топтамасы қазақстандық оқу орындарының мазмұндық әлеуетін танымал әлемдік университеттер деңгейіне шығаруға бастаған игі қадам деп өтті.

«Ұлттық аударма бюросының» мәліметі бойынша, «МакГроХил» баспасынан шыққан 2 томдық «Панорама: дүниежүзі тарихы»  оқулығы тарихты оқытуда бізде қалыптасқан формациялық ұстаным мен ұғымды бұзып, адамзат дамуын біз үшін мүлде жаңа тұрғыдан таныстырады.

Батыс әдебиетшілері дайындаған, кіріспе және 4 томдық антологиядан тұратын «Әдебит теорися» топтамасы әдебиеттануды басқа салалармен байланыстыра отырып, оған анағұрлым кең көзқарас қалыптастырады. Жинақ әдебиеттегі орыс формализмі, структурализм, феноменология, постструктурализм, психоанализ ұғымдары, постотаршыл және тансұлттық таным туралы түсінік берсе, Беделді заңгер маман, әрі танымал ғалым Малколм Шоның 2 томдық «Халықаралық құқық» оқулығы осы саладағы дүние жүзі таныған аса құнды кітаптың бірі. Оқулық халықаралық құқық саласына шолу жасайды, құқық жүйелерін салыстыра отырып, саладағы теория мен тәжірибе жайлы жан-жақты түсінік қалыптастырады.

Жаңа заманға лайық педагог мамандар дайындауға қажет оқулықтар қатарында «Оқыту теориясы: білім беру көкжиегі», «Педагогиканы цифлық дәуірде қайта зерделу» және көпшілік оқырманға аса қызықты болатын Кембридж университеті дайындаған «Интернет психологиясы» оқулықтарымен қатар  экономика және кәсіпкерлік бағыттағы білім беруге қажетті оқулықтар бар.

Аударма жұмысына Қазақстанның алдыңғы қатарлы оқу орындарының ғалымдары, тәжірибелі аудармашылар, тілші және әдебиетші-редакторлардан тұратын үш жүзден астам маман тартылған. Оқулық мәтіндері бірнеше мәрте әдеби және ғылыми редакциядан өтті.  Жоба аясында әлемдегі оқулық шығаруға маманданған «Cambridge University Press», «Oxford University Press», «Pearson», «Cengage», «Penguin Random House», «McMillan» және басқа да ірі халықаралық баспа үйлерімен әріптестік қарым-қатынас орнады. халықаралық баспа үйлерімен әріптестік қарым-қатынас орнады.

Баннер
Соңғы жаңалықтар

Қостанайда киік мүсіні орнатылды

Аймақтар • 17 Тамыз, 2019

Ұқсас жаңалықтар