Кездесудің мақсаты – «Астана жастары» жастар ресурстық орталығы мен қала әкімі ұсынған «Jastar Synergy» жастар хабын дамыту жоспарын талқылау. Кездесуге 30-дан астам жас қатысып, жаңа коворкинг-орталық жөнінде өз ойларымен бөлісті.
Ұйымдастырушылардың айтуынша, аталған коворкинг-орталық қаламыздағы ЖОО мен орта арнаулы оқу орындарының, мектеп оқушыларының басын бір ортаға біріктіретін ауқымды алаң болады.
Бұл жерде «Астана жастары» жастар ресурстық орталығының алдағы уақытта жастарға дайындап жатқан жобалары жайында ой бөлісті. Әрі жаз мезгілінде «Жастар» сарайының бірінші және екінші қабатын жастарға арналған «Jastar Synergy» жастар коворкингін ашу жоспарлануда. Бүгінгі басқосуда осы орталықтың қандай жұмыспен айналысатыны туралы да хабардар етілді. Қысқаша айтқанда, коворкингте жастарға қызмет көрсету орталығы яғни, құқықтық көмек беру немесе қалай өз кәсібін ашуға болатыны жайында жан-жақты ақпарат береді. Бұл коворкингтің ерекшелігі, қаламыздағы ЖОО мен орта арнаулы оқу орындарының, мектеп оқушыларының басын бір ортаға біріктіретін ауқымды алаң болатынында», дейді Нұр-Сұлтан қаласы әкімдігінің «Астана жастары» коммуналдық мемлекеттік мекемесінің ұйымдастыру бөлімінің маманы Арайлым Серікқызы.
