Сайысқа Өзбекстаннан, Нұр-Сұлтан, Алматы, Шымкент қалаларынан, Ақтөбе, Қостанай, Қарағанды және облысымыздан мәнерлеп сырғанаушылар келген. Байрақты бәсекеде 8 команда, 150-ге жуық спортшы бақ сынасты.
– Мәнерлеп сырғанау – спорттың ең әдемі түрі. Бұл жерде нәзіктік, ерекше дарын, шеберлік қажет. Біздің елде аталған спорттың дамуына жағдай жасалған. Осы күні 50-ден аса жас өздерін Элизабеттің ізбасарлары санап, мәнерлеп сырғанауға машықтануда. Бүгінгі шара қатысушыларының көптігі осының айғағы, – деді облыс әкімінің орынбасары Руслан Рүстемов.
Жарыстың ашылу салтанатында жергілікті өнерпаздар ән шырқап, мерекелік көңіл-күй сыйлады. Мұз айдынына Элизабет шыққанда жұрт ерекше ықылас танытты. Қаршадай ғана қазақ қызының шығар биігі көп екендігіне тілектестіктерін білдірді.
Қызылорда облысы
