1276 адам қызметтен кетті
Жұма, 28 қыркүйек 2012 7:02
Аттестаттау
Әрбір бесінші қызметкер сынақтан өте алмады
Қаржы полициясы органдарының аумақтық аттестациялық комиссиялары өз жұмысын аяқтады. 17 аумақтық комиссияда аттестаттаудан Қаржы полициясы академиясы мен аумақтық департаменттердің 2364 қатардағы қызметкері өтті.
Жұма, 28 қыркүйек 2012 7:02
Аттестаттау
Әрбір бесінші қызметкер сынақтан өте алмады
Қаржы полициясы органдарының аумақтық аттестациялық комиссиялары өз жұмысын аяқтады. 17 аумақтық комиссияда аттестаттаудан Қаржы полициясы академиясы мен аумақтық департаменттердің 2364 қатардағы қызметкері өтті.
Аталған комиссияларда аттестаттаудан 2437 қызмтекер өтуі тиіс болатын, алайда 16 қызметкер лауазымдарынан босату туралы баянаттар жазып, аттестаттаудан өтуден бас тартты, 3-і – әскери-медициналық комиссияларға қаралуға жіберілді, 26 қызметкер уақытша еңбек қабілетсіздігіне байланысты, 20-ы – қызметтік іс-сапарда болуына байланысты, 4-і – кезекті еңбек демалысында болуына байланысты, 4-і – жүктілігіне байланысты аттестаттаудан өткен жоқ.
Аттестаттауға жататын қызметкерлер жергілікті жерлерде Қазақстан Республикасының заңнамасын білу деңгейін, ойлау қабілеттігін анықтауға бағытталған тестілеуді және әскери дайындық нормативтерін тапсырып, психолог мамандарымен сұхбаттасты. Аттестаттаудың барлық кезеңі бейне- бақылаумен қамтамасыз етілді.
Қаржы полициясы академиясы мен аумақтық департаменттер бастықтарының төрағалық етуімен аумақтық аттестаттау комиссияларымен өткізілген сұхбаттасу қорытындысы бойынша келесідей нәтижелер алынды: 200 қызметкер өз қызметтеріне сәйкес келеді және кадрлық резервке енгізу немесе жоғары лауазымдарға тағайындалуға ұсынылады; 1725 қызметкер лауазымдарына сәйкес келеді деп танылды; 179 қызметкер лауазымдарына сәйкес келмейді және төмен лауазымдарға тағайындалуға ұсынылды; 124 қызметкер лауазымдарына сәйкес емес және басқа қызметтерге ауысу ұсынылды; 136 қызметкер лауазымдарына сәйкес келмейді және қаржы полициясы органдарынан жұмыстан шығаруға ұсынылды.
Сұхбаттасудан өту барысында тестілеу мен әскери дайындық нәтижелері ғана емес, оған қоса қызметкерлердің жедел жұмыс нәтижелері де ескерілді.
Сонымен, аумақтық комиссияларда аттестаттаудан өткен 2364 қызметкердің 439-ы немесе 18,6 пайызы, яғни әрбір бесіншісі аттестаттаудан өте алмады.
Басқаларға қарағанда Алматы, және Астана қалаларының және Қарағанды, Оңтүстік Қазақстан облыстары бойынша қаржы полициясы департаменттерінде аттестаттаудан өте алмаған қызметкерлер көп болды.
Аттестаттау нәтижесінде Қаржы полициясы академиясы мен аумақтық департаменттердің 136 қызметкері жұмыстан шығарылды. Осылайша қаржы полициясының аумақтық департаменттерінің қатардағы құрамы аттестаттаудан бұрын және оның нәтижесінде 6,4 пайызға жаңартылды, деп хабарлады баспасөз қызметі.
Талапқа талғам таразы
Мемлекет басшысы 2012 жылдың 8 сәуірінде «Қазақстан Республикасы құқық қорғау органдарының қызметкерлерін кезектен тыс аттестаттаудан өткізу туралы» Жарлыққа қол қойды. Еліміздің тарихында алғаш рет құқық қорғау жүйесінің жаңа кадрлық әлеуетін қалыптастыру жөнінен кең ауқымды іс-шаралар бастау алды.
Қаржы министрлігі КБК Қызылорда облысы бойынша кедендік бақылау департаментімен кеден қызметкерлерін кезектен тыс аттестаттаудан өткізу бойынша шаралар, соның бірінде өңірлік аттестаттау комиссиясының (ӨАК) жұмысы ұйымдастырылды. Комиссия құрамына КБД басшылығы, кеден органының ардагері, «Нұр Отан» ХДП Қызылорда облыстық филиалы, «Атамекен» ҰЭП, сондай-ақ баспасөз өкілдері кірді.
Департамент бойынша аттестаттауға барлығы 23 қызметкер қатысты. Оның ішінде 2 қызметкер атқарып отырған лауазымына сәйкес болмай, басқа қызметке (лауазымға) ауыстырылуға ұсынылса, 1 қызметкер жұмыстан босатылуға ұсынылды. Қалған 20 қызметкер атқарып отырған лауазымына сәйкес келеді деп танылды, оның ішінде 2 қызметкер жоғары лауазымға ұсынылды.
Жалпы Президент Әкімшілігі жанындағы Жоғарғы аттестаттау комиссиясынан (ЖАК), ҚМ Кедендік бақылау комитеті жанынан құрылған Орталық аттестаттау комиссиясы (ОАК) және Қызылорда облысы бойынша КБД жанынан құрылған өңірлік аттестаттау комиссиясында (ӨАК) департамент бойынша барлығы 31 қызметкер аттестатталды. Нәтижесі бойынша 2 қызметкер атқарып отырған лауазымына сәйкес келмеді 1 қызметкер лауазымынан төмендетілуге ұсынылды. 2 қызметкер жұмыстан босатылуға ұсынылды. Қалған 26 кеденші атқарып отырған лауазымдарына сәйкес келеді деп танылып, оның ішінде 2 қызметкер кадр резервіне қойылды, деп хабарлады Қызылорда облысы бойынша КБД.
1276 адам қызметтен кетті
Ішкі істер органдарының қызметкерлерін кезектен тыс аттестаттаудың 3 – кезеңі жалғасуда. 77 өңірлік аттестаттау комиссиясынан аймақтық полиция және қылмыстық атқару жүйесінің қызметкерлері аттестаттаудан өтеді.
Нысана көздеу, денешынықтыру дайындығы, заңнаманы білу бойынша компьютерлік тестілеу өткізуге бақылау жасау үшін ІІМ аппаратының кадр жұмысы және өзіндік қауіпсіздік қызметкерлері аумақтық бөліністерге іссапарларға жіберілді. Қабылданатын шешімдер шынайы болу үшін өңірлік комиссия мүшелерінің қатарына ІІМ аппаратының қызмет басшылары мен олардың орынбасарлары енгізілді.
Бүгінгі күні өңірлік аттестаттау комиссиясы 22 мыңнан астам қызметкерді аттестаттады, 19211-і лауазымдарына лайықты екендіктерін көрсетті. 846-і қызметінен төмендетілсе, 1091-і басқа қызметке ауыстырылды, 1057 қызметкер органнан аластатылды.
Өңірлік аттестаттау комиссиясы Қарағанды академиясында (203 адам), ҚАЖК академиясында (139 адам), Павлодар заң колледжінде (88 адам) және Семей қаласындағы ІІМ оқу орталығында (58 адам) өз жұмысын аяқтады. Жақын аралықта Шымкент, Ақтөбе және Алматы қалаларындағы оқу орындарында аттестаттауды өткізу жоспарланған.
Орталық аттестаттау комиссиясы ведомствоның орталық аппарат, облыстардың және көліктегі ІІД қызмет басшыларын, қалалық, аудандық орган басшылары, қылмыстық-атқару жүйесі мекемелерінің басшылары, оқу орындарының жетекшілері, өзіндік қауіпсіздік және есірткі бизнесіне қарсы күрес бөліністерінің, әскери – тергеу бөліністерінің жеке құрамы, яғни Ішкі істер министрлігінің номенклатурасы бойынша 3096 қызметкер кезектен тыс аттестаттаудан өтті. Аттестаттау нәтижесі бойынша 73-і жоғары тұрған лауазымға ұсынылды, 2400 лауазымдарына лайықты екендіктерін танытты, 283 қызметкердің қызметі төмендетілді, 132 қызметкер басқа қызметке ауыстырылды, 208-і ІІО-нан қызметтен шығарылды.
Қазіргі уақытта кезектен тыс аттестаттаудың нәтижесі бойынша 25 457 қызметкердің 1140-ның қызметі төмендетілді, 1227-сі басқа қызметке ауыстырылды, ал 1276-сы ІІО-нан қызметтен шығарылды.
Енді өңірлік аттестаттау комиссиясынан 49 мыңға жуық қызметкерді аттестаттаудан өткізу қалды, деп хабарлады ІІМ баспасөз қызметі.
Суретті түсірген Ерлан ОМАРОВ.
