Аттестаттау
Жұма, 2 қараша 2012 7:09
СҮРІНГЕНДЕР ДЕ БАР
Елбасының «Қазақстан Республикасы құқық қорғау органдары қызметкерлерін кезектен тыс аттестаттаудан өткізу туралы» Жарлығына сәйкес, Алматы облыстық прокуратура қызметкерлері сынақ тапсырды. Бұл жайында Талдықорғанда журналистермен өткен баспасөз брифингінде облыс прокуроры Ғабит Миразов «Прокуратура органдары қызметкерлерін кезектен тыс аттестаттаудан өткізу кезінде негізгі бағалау өлшемдері қызметкерлердің қабілеттерін, оларға жүктелген міндеттерді орындау және жұмыс нәтижелері, сонымен бірге теориялық білімдерінің, тәжірибелік біліктіліктерінің деңгейін анықтау болып табылды. Ережеге сәйкес заңнаманы білуіне компьютерлік сынақ, психологиялық тұрақтылық сынақтамасы, әңгімелесу бойынша үш кезеңнен тұрды.
Жұма, 2 қараша 2012 7:09
СҮРІНГЕНДЕР ДЕ БАР
Елбасының «Қазақстан Республикасы құқық қорғау органдары қызметкерлерін кезектен тыс аттестаттаудан өткізу туралы» Жарлығына сәйкес, Алматы облыстық прокуратура қызметкерлері сынақ тапсырды. Бұл жайында Талдықорғанда журналистермен өткен баспасөз брифингінде облыс прокуроры Ғабит Миразов «Прокуратура органдары қызметкерлерін кезектен тыс аттестаттаудан өткізу кезінде негізгі бағалау өлшемдері қызметкерлердің қабілеттерін, оларға жүктелген міндеттерді орындау және жұмыс нәтижелері, сонымен бірге теориялық білімдерінің, тәжірибелік біліктіліктерінің деңгейін анықтау болып табылды. Ережеге сәйкес заңнаманы білуіне компьютерлік сынақ, психологиялық тұрақтылық сынақтамасы, әңгімелесу бойынша үш кезеңнен тұрды. Облыс прокуратурасының басшылығы мені қосқанда төрт қызметкер аттестаттауды Президент жанындағы Жоғары аттестаттау комиссиясынан өтіп, лауазымдарымызға сәйкестігі туралы шешім қабылданды. Орталық аттестаттау комиссиясында облыс прокуратурасының басшылық құрамындағы 28 қызметкер өтті. Оның үшінші кезеңінде 230 қызметкермен әңгіме жүргізіліп, 209 қызметкер өтсе, 21 қызметкер сүрінді» деді.
Нұрбол ӘЛДІБАЕВ,
«Егемен Қазақстан».
Алматы облысы.
__________________
АЯҚТАЛЫП КЕЛЕДІ
Бас прокуратураның Орталық аттестаттау комиссиясы арқылы өтуге тиісті қызметкерлерді сараптау аяқталып келеді. Орталық аттестаттау комиссиясынан прокуратура органдарының барлығы 755 қызметкері өтуі керек болған, олардың 38-і немесе 5 пайызы жұмыстан кетулеріне, соның ішінде 21 адам қызмет мерзімінің аяқталуына, 2 қызметкер басқа қызметке ауысуына байланысты аттестаттаудан өткен жоқ. 3 қызметкер жүктілігіне байланысты босатылды. Сонда барлығы 712 қызметкер әңгімелесуге жіберілді, олардың ішінде аттестаттаудан өтіп, атқарып отырған қызметіне лайықты деп танылғаны – 637 немесе 89,5 пайыз, ал 75 қызметкер немесе 10,5 пайызы атқарып отырған қызметіне лайық емес деп танылып: 57 қызметкерге, соның ішінде тестілеу кезінде төмен баға алған 3 қызметкерге қызметін төмендетуге; 15 қызметкерге басқа жұмысқа ауысуына; 3 қызметкерді прокуратура органынан босатуға ұсыныс жасалды. Облыстарда және Астана, Алматы қалаларында өңірлік аттестаттау комиссиясы прокуратура органдарының қызметкерлерін кезектен тыс аттестаттаудың үшінші кезеңін өткізу бойынша жұмыстарға кірісіп кетті, деп хабарлады Бас прокуратураның баспасөз қызметі.
