Сынақтан сүрінбеді
Сейсенбі, 6 қараша 2012 7:12
Құқық қорғау органдары қызметкерлерін аттестаттау барысы күннен-күнге жаңа қарқын ала түсуде. Соған сай соңғы кездері құқық қорғау саласының материалдық-техникалық базасы нығайып келеді. Былтыр облыста бұл бағытқа 3,7 миллиард теңге бөлінді. Басқарудың автоматты жүйесі енгізіліп, соңғы үлгідегі бейнебақылау кеңінен қолданылады. Осындай озық әдіс-тәсілдердің көмегімен ондаған қылмыс ізі суымай әшкереленді. Жуырда іске қосылған процессингтік орталықтың игі жәрдемі мол. Жақында тәртіп сақшыларына су жаңа көліктер кілті табыс етілді.
Сейсенбі, 6 қараша 2012 7:12
Құқық қорғау органдары қызметкерлерін аттестаттау барысы күннен-күнге жаңа қарқын ала түсуде. Соған сай соңғы кездері құқық қорғау саласының материалдық-техникалық базасы нығайып келеді. Былтыр облыста бұл бағытқа 3,7 миллиард теңге бөлінді. Басқарудың автоматты жүйесі енгізіліп, соңғы үлгідегі бейнебақылау кеңінен қолданылады. Осындай озық әдіс-тәсілдердің көмегімен ондаған қылмыс ізі суымай әшкереленді. Жуырда іске қосылған процессингтік орталықтың игі жәрдемі мол. Жақында тәртіп сақшыларына су жаңа көліктер кілті табыс етілді.
Айтулы шара бейбіт күндерде ел тыныштығын қорғау жолында ерлікпен қаза тапқан тәртіп сақшыларының ескерткішіне тағзым етуден басталды. Осы күні ОІІД-нің жедел басқару орталығында мұражайдың тұсаукесері өтті. Оған төрт мыңнан астам экспонаттар қойылған. Бұдан кейін Ішкі істер министрінің орынбасары, генерал-майор Амантай Күреңбеков пен облыс әкімі Серік Біләлов орталық алаңда сап түзеген полиция қызметкерлерін құттықтап, су жаңа 21 жеңіл көліктің кілттерін салтанатты жағдайда тапсырды. Қалалық ішкі істер басқармасы жанынан ашылған криминалистикалық полигон қоғамдық тәртіп күзетінде жүрген полицейлердің жұмысын жеңілдете түсері анық. Погодин атындағы орыс драма театрында өткен салтанатты шарада өз міндеттерін мінсіз атқарып жүрген бір топ қоғамдық тәртіп сақшыларына ішкі істер министрлігінің, облыс әкімінің құрмет грамоталары мен алғыс хаттары тапсырылды. Осында мектеп оқушылары арасында ұйымдастырылған «Менің қазақстандық полициям» байқауының қорытындысы шығарылып, жеңімпаздар марапатталды. «Солтүстік Қазақстанның полициясы: Борыш. Батылдық. Ерлік» атты кітаптың тұсауы кесілді.
Өмір ЕСҚАЛИ,
«Егемен Қазақстан».
Солтүстік Қазақстан облысы.
