Сынақтың сыналар сәті

Сейсенбі, 13 қараша 2012 7:59

Құқық қорғау органдары қызметінің тиімділігін арттырып, сапасын жақсарту мақсатында қолға алынған аттес­таттау да аяқталуға таяды. Енді жұртшылықты ел болып өткізіп жатқан сынақтың нәтижелері қандай бола­тын­ды­ғы алаңдатып отырғаны сөзсіз. Өйткені, аттестаттау мақ­са­ты полиция қатарына адал адамдарды ғана топтастыру болғаны мәлім. Ал лайықсыздарды ғана лақтырып, жақ­сы­ларды жарқырата жарыққа шығарып жатырмыз деген аттестаттау комиссияларының жұмысы, әзірге, шаң жұқ­ты­рар емес.

Сейсенбі, 13 қараша 2012 7:59

Құқық қорғау органдары қызметінің тиімділігін арттырып, сапасын жақсарту мақсатында қолға алынған аттес­таттау да аяқталуға таяды. Енді жұртшылықты ел болып өткізіп жатқан сынақтың нәтижелері қандай бола­тын­ды­ғы алаңдатып отырғаны сөзсіз. Өйткені, аттестаттау мақ­са­ты полиция қатарына адал адамдарды ғана топтастыру болғаны мәлім. Ал лайықсыздарды ғана лақтырып, жақ­сы­ларды жарқырата жарыққа шығарып жатырмыз деген аттестаттау комиссияларының жұмысы, әзірге, шаң жұқ­ты­рар емес. Жалпы, қай саладағы құқық қорғау органының бас­шылығына құлақ қоймайық, аттестаттау ойдағыдай өтті дейді. Олардың сөзіне қарағанда, қызметтен шы­ға­рылған немесе лауазымы төмендетілген, не басқа қызметке ауыстырылғандар тиісті сынақ талаптарына сәйкес келмегендер ғана болып табылады. Бірақ, араларында комиссия шешімімен келіспей арызданып жатқандары да баршылық екенін әсте жасыруға болмас.

Сондықтан да аттестаттаудың қорытындысына сәйкес алдағы уақытта құқық қорғау қызмет­кер­лерінің іс-әрекетінен көріне­тін нәтиже шараның қалай өт­кен­дігін әлі ашып, айдай әлемге паш етеді. Демек сынақтың сыны алда. Ал әзірге осы үлкен жауапкершілік тұрғысынан табылу мақ­сатында аттестаттау барынша адал өткізілуге тиіс дейміз. Ол үшін мемлекет баса назар ауда­рып отырған сынақ заң талап­та­рына сәйкес жүргізілуі керек. Ендеше, осы талаптар аймақтарда қалай жүзеге асып жатқандығын білу үшін тиісті орындармен де хабарласқанбыз. Соған орай бұл туралы, мәселен, Солтүстік Қа­зақ­стан облысы ІІД бастығы Мұрат Ұрұмханов бірқатар шара­лардың қолға алынып жатқанын жеткізді. Ол «Әлеуметтік-эконо­микалық жаңғырту – Қазақстан дамуының басты бағыты» атты халыққа Жолдауында Елбасы    Н.Назарбаев құқық қорғау жүйе­сін­дегі кадрлық жаңарту мәсе­ле­сі­не айрықша тоқталғанын айтады.

Президент «Қазақстан Рес­пуб­ликасы құқық қорғау орган­дары қызметкерлерін кезектен тыс аттестаттаудан өткізу ту­ра­лы» Жарлығына қол қойды. Аталған құжаттың түсініктемесінде кезектен тыс аттестаттаудың басты мақ­саты мен тапсырмалары ту­ралы айтылған. Яғни, қоғам мен бизнестің қажеттілігіне жауап бере алатын, заман талабына сай құқық қорғау жүйесіне кадрлар өзегін қалыптастыру қажет. Со­нымен қатар, теріс қылық­тары­мен көзге түскен, мемлекеттік қыз­метке кездейсоқ келген лау­азымды тұлғалардан тазару, құ­қық қорғау органдары қатарына кәсіби біліктілігі жоғары, ар-намысы бар азаматтарды сұрып­тап, қоғам тыныштығына жауап­ты саланың кадр саясатына са­па­лы оң өзгерістер енгізіп, оларға деген халықтың сенімін арттыру. Кезектен тыс аттестаттау құқық қорғау саласында өткізіліп жат­қан реформаның жалғасы. Осы жұмыстың тиімділігін арттыруға бағытталған біраз қадамдар жа­сал­ды: заңдарға өзгерістер енгізілді, әрбір органның міндеті айқындалды, бұрындары кез келген орган жүргізетін істер бір жүйеге келтірілді, қылмыстық заңнама ізгілендірілді, материал­дық-техникалық ахуал жоғары­ла­ды. Жеке құрамның сапалы жа­ңаруына аймақтық аттестаттау ко­миссиясы назар аударып, қо­ры­тындысын да шығарды. Одан 2236 солтүстікқазақстандық полиция қызметкері өтті, жеке құрам бірнеше кезең бойынша мұқият тексерістен яғни, дене шынықтыру, қызметтік қарудан ату, ел заңдарын меңгеру дең­гейін анықтауға арналған тест тап­сырудан өтті. Осының бәрі­нен өткен соң барып, полиция қыз­меткері комиссия мүшелері­мен әңгімелесуге шақыртылды. 2244 қызметкердің кәсіби біліктілігі тексерілді. Олардың 1968-і қызметіне сай деп танылды, 18 тәртіп сақшысы жоғары лауа­зымға тағайындау үшін кадрлық резервке қойылды. Комиссияның алқалы шешімі бойынша 45 полицей қызметінен төмендетілді, 38 қызметкер лауазымына сай емес деп танылса, 193 қызметкер құқық қорғау саласынан бо­са­тылды.

Әрбір полиция қызметкеріне 3 ай бұрын аттестаттаудан өте­тіні туралы ескертілді. Дай­ын­далуға уақыт жеткілікті болды, алайда кейбір қызметкерлер сы­нақтың қаншалықты жауапты бо­латынын дұрыс бағаламай, өтетін ша­раға немқұрайлы қарады. Сөйтіп, бірқатары бармақ тістеді. Сондықтан полиция қызметкері азаматтардың құқықтары мен бостандықтарын сақтауда және олардың қауіпсіздігін қамтама­сыз етуде жауапкершілікті толы­ғымен түсінуі қажет, дейді, М.Ұрұмханов.

Ал енді Жамбыл облыстық ІІД баспасөз қызметінің мәліме­тіне қарағанда, онда да яғни ІІД-де кадр мүмкіншіліктерін жаң­ғыр­ту мәселесі бойынша дөң­гелек үстел өткізілген. Іс-шара ІІД бастығы, полиция полковнигі Бекет Аймағамбетовтің төраға­лық етуімен жүргізілген. Жинал­ғандар қазіргі таңда қоғамның тәртібі пен қауіпсіздігін сақтап, еліміздің өркендеуіне құқық қорғау органы өз үлесін қосуда екендігін, егемендігіміздің 20 жыл ішінде Елбасының тапсыр­масымен полиция қызметінде көп тындырылғанын, сонда да бұл сала заман талабына сай қай­та құруды талап еткендіктен Ұлт көшбасшысы Нұрсұлтан Назарбаев осы мәселенің маңызды­лы­ғын өзінің биылғы Қазақстан хал­қына Жолдауында көтеріп, құ­қық қорғау органдары қызмет­керлерін кезектен тыс аттестат­тау­дан өткізу туралы Жарлыққа қол қойғанын атады.

Осыған орай ІІД жеке құрамы кезектен тыс аттестаттаудан 2 кезең бойынша өткен. Нәтиже­сін­де қатысқандардан 521-і ат­қа­рып отырған лауазымдарына сәй­кес келмейді деп танылған, ал 198-і ішкі істер органдарынан шы­ғаруға ұсынылған. Түрлі себептермен аттестаттаудан өткісі келмеген 118 қызметкер де ІІО-нан босатылған.

Бүгінде жамбылдық полицейлерге нәтижелі жұмыс атқару үшін барлық жағдайлар жасалған көрінеді. Ведомствоның мате­риал­дық-техникалық базасы об­лыс әкімінің, мәслихат депутат­та­рының барынша және үнемі қолдау көрсетуінің арқасында едәуір толықтырылған. Полицейлер жаңа техникалармен, көлік­тер­мен, байланыс құралдары және киім-кешектермен жабдық­талған.

Қылмыспен күресу үшін, тексерілген ескі әдістермен қоса, жаңа ақпараттық технологиялар мен жаңа амалдар да белсенді қол­данылуда және бұл жерде кадрлық әлеует негіз болып та­былады, яғни жоғары білімді, сауатты, жаңаша ойлайтын қыз­мет­керлер – бұл бүгінгі күннің талабы. Дөңгелек үстел басында айтылған ІІД бастығының баста­масын жиналғандар бір ауыздан қолдады. Кәсіпорын басшылары жоғарғы моральді принципті адамдарды, Ата Заңды құрмет­тейтін, өмірде және қызметте кездесетін барлық қиындықтар мен кедергілерді ерлікпен жеңе білетін кәсіби мамандарды ұсы­нып, ІІД кадрлық резервтерін толтыруға өздерінің даяр екендіктерін білдірді.

Сөйтіп, отырысқа қатысу­шы­лар пікірімен еліміздің қауіп­сіздігіне ешкімнің де немқұ­рай­лы қарамайтындығы сезіліп полиция жеке құрамына сапалы жаңартулар енгізіп, олардың қа­та­рына білікті, адал қызмет­кер­лер, халықтың заңды мүддесі мен құқықтарын жоғары деңгейде қорғай алатын өз елінің патриот­та­рын қабылдау керек деп түйін түйді. Мұндай іс-қимылдар ат­тестаттаудың сапалы өтетіндігіне сенім артады.

Александр ТАСБОЛАТОВ,

«Егемен Қазақстан».