Ұрылардың суреттері қоғамдық көліктерде ілініп қойылатын болды
Жұма, 16 қараша 2012 7:13
«Арсыздық әуелі сәл-пәл білместіктен басталады», дегендей, бүгінде қылмыстық әрекеттердің саны да, түрі де көбейе түсуде. Әсіресе, пәтер тонау, қоғамдық көліктерде өзгелердің қалтасына түсіп, ақша және өзге де құнды заттарды ұрлауды кәсіпке айналдырғандар қатары аз емес. Алматы қалалық ішкі істер департаменті, міне, осындай қылмыстық әрекеттермен әуестенушілерге қарсы күрестің ең ықпалды тәсілін жүзеге асырмақ. Екі миллионға жуық тұрғыны бар ірі шаһардың Алмалы ауданында көптеген жоғары оқу орындары шоғырланғандығы ескеріліп, жаңа жоба осы ауданнан бастау алмақ.
Жұма, 16 қараша 2012 7:13
«Арсыздық әуелі сәл-пәл білместіктен басталады», дегендей, бүгінде қылмыстық әрекеттердің саны да, түрі де көбейе түсуде. Әсіресе, пәтер тонау, қоғамдық көліктерде өзгелердің қалтасына түсіп, ақша және өзге де құнды заттарды ұрлауды кәсіпке айналдырғандар қатары аз емес. Алматы қалалық ішкі істер департаменті, міне, осындай қылмыстық әрекеттермен әуестенушілерге қарсы күрестің ең ықпалды тәсілін жүзеге асырмақ. Екі миллионға жуық тұрғыны бар ірі шаһардың Алмалы ауданында көптеген жоғары оқу орындары шоғырланғандығы ескеріліп, жаңа жоба осы ауданнан бастау алмақ.
Анығырақ айтқанда, ұрлық жасайтындардың, пәтер тонағандардың және іздестіруде жүрген қылмыскерлердің фотосуреттері қоғамдық көліктерге орналастырылады. Мұның өзі сонымен қатар, өздерінің аңғалдығымен қылмыскерлерге қолайлы жағдай жасайтын қала тұрғындарының қауіпсіздігі үшін де үлкен көмек екендігі сөзсіз. Алмалы ауданы тәртіп сақшылары алматылықтарға ұрылардан қорғану жолдары туралы ақпарат жазылған ескертпелерді, жаднамаларды да ұсынуда.
– Бүгінгі күнге дейін мұндай ескертпелердің елу мың данасы дайындалды. Ұрлық жасаушыларға қарсы тиімді әрі ерекше шара тек автобустарды ғана емес, трамвайлар мен троллейбустарды да қамтиды. Сонымен қатар, бұл суреттер көп қабатты үйлердің кіреберісіне де ілінеді. Қылмыстың алдын алу іс-шараларын жасауда және оны іске асыруда бізге жергілікті әкімдік пен прокуратураның ықпалы мол болды, – дейді Алматы аудандық ІІБ бастығы, полиция полковнигі Талғат Сейілханов.
Оңтүстік астанада соңғы үш жыл бойы «Қауіпсіз аула» бағдарламасы дәйектілікпен жүзеге асырылуда. Көп қабатты үйлерде темір есіктер орнатылып, олар арнаулы құлыптармен жабдықталған. Қаладағы жеті мыңға жуық көп қабатты үйлердің тоқсан пайызында осындай жұмыстар жүргізілді. Сөз реті келгенде айта кететін тағы бір жайт, Алматыда тіркелген қылмыстардың басым көпшілігін Шығыс Қазақстан, Жамбыл, Оңтүстік Қазақстан және Алматы облысынан келгендер жасайтыны анықталды.
Бақыт БАЛҒАРИНА,
«Егемен Қазақстан».
АЛМАТЫ.
