Жемісті жұмыстың жалғасы
Сенбі, 17 қараша 2012 8:07
Қазақ елі әлемдік аренадағы тағы бір асуды бағындырды.Қазақстанның халықаралық істер бойынша әлемдік аренадағы рөлімен орны жыл өткен сайын артып келе жатқанының куәсіміз. Қазақстаналғаш рет Біріккен Ұлттар Ұйымы Адам құқықтары жөніндегі кеңесініңмүшесі болып сайланғандығы жайлы ақжолтай жаңалық мерейіміздітағы бір өсірді.
Сенбі, 17 қараша 2012 8:07
Қазақ елі әлемдік аренадағы тағы бір асуды бағындырды.Қазақстанның халықаралық істер бойынша әлемдік аренадағы рөлімен орны жыл өткен сайын артып келе жатқанының куәсіміз. Қазақстаналғаш рет Біріккен Ұлттар Ұйымы Адам құқықтары жөніндегі кеңесініңмүшесі болып сайланғандығы жайлы ақжолтай жаңалық мерейіміздітағы бір өсірді.
Бұл деген еліміздің демократия құндылықтарын жоғары қойған мемлекет ретінде әлемге танылуының айқын көрінісі. Қазақстанның тәуелсіздік алған жылдан бері әлемнің алдыңғы қатарлы державаларымен, көрші мемлекеттермен сенімді қатынас жасауының жемісі.
Алдыңғыларын айтпағанның өзінде, соңғы жылдары сыртқы әлеммен орнықтырған ұтымды байланыстың арқасында Қазақстан Еуропадағы қауіпсіздік және ынтымақтастық ұйымына төрағалық ету мәртебесіне ие болды. Сонымен қатар, Шанхай ынтымақтастық ұйымына және Ислам Ынтымақтастығы Ұйымына төрағалық ету арқылы өзінің халықаралық аренадағы ұстанымы мен беделін көтеріп отырғаны тағы рас. Бүгінгі таңда Қазақстанда «Еуропаға жол» мемлекеттік бағдарламасы іске асып жатқанынан хабардармын. Бұл біздің кәрі құрлық елдерімен, халықаралық ұйымдармен саяси, құқықтық және экономикалық ынтымақтастықты дамытудың алтын арқауы болып табылады.
Адам құқықтарын қорғау саласына Мемлекет басшысы Нұрсұлтан Назарбаев әрқашанда баса назар аударып келеді. Сондықтан мемлекеттің адамға үнемі қамқорлық көрсетуі, жақсы өмір сүруі үшін оған қажетті барлық жағдайды жасауы, оның денсаулығын қорғау үшін қажетті шаралар қабылдауы, жеке өміріне қол сұғушылықтан қорғауы жолында көптеген жұмыстар атқарылып жатқанының куәсі болып отырмыз.
Соның бір дәлелі, Қазақстан Республикасы Президентінің жанындағы Адам құқықтары жөніндегі комиссиясының жемісті жұмысы деуге болады. Жақында аталған Комиссия шығарған «Қазақстан Республикасындағы оралмандардың, азаматтығы жоқ адамдардың және босқындардың құқықтарының ахуалы туралы» арнайы баяндаманың тұсаукесеріне қатыстым. Баяндамада жоғарыда аталған адамдардың Қазақстан Республикасы тәуелсіздік алған күннен бастап қазіргі кезге дейінгі құқықтарының ахуалы салыстырмалы бағаланған, оралмандардың, азаматтығы жоқ адамдардың, босқындардың құқықтарын қорғаудың түйінді проблемалары мен оларды шешу жолдары айқындалған. Сонымен қатар, қазіргі хал-ахуалын жақсарту жөніндегі нақты іс-қимылдар ұсынылған. Осы баяндама мен оның маңызды және елеулі ұсынымдары Қазақстан Республикасы Үкіметінің әлеуметтік және көші-қон саласындағы жүргізіп жатқан шараларды жақсарту үшін негіз болады деп сенемін.
Міне, енді Біріккен Ұлттар Ұйымының 47 мемлекеттен құралған Адам құқықтары кеңестің құрамына енуіміз Елбасының дер кезінде қабылдаған дұрыс шешімдерінің нәтижесі деп білемін.
Фарида МЕРХАМИТҚЫЗЫ,
«Ерке-Нұр Шарапат» қоғамдық
қорының президенті.
