Тыйым салу туралы айтылды

Бейсенбі, 22 қараша 2012 7:22

Кеше Бас прокуратураның ресми өкілі Нұрдәулет Сүйіндіков Ақтаудағы сот ісіне байланысты хабар берді. Ол 19 қарашада Маңғыстау облысының сотында әлеуметтік араздықты қоздыру, билікті күштеп құлатуға шақыру, ұйымдасқан топ құру және оны басқару деректері бойынша Ақтау қалалық сотының 2012 жылғы 8 қазандағы үкіміне Владимир Козлов пен оның қорғаушыларының апелляциялық шағымдары қаралғандығын айтты.

Бейсенбі, 22 қараша 2012 7:22

Кеше Бас прокуратураның ресми өкілі Нұрдәулет Сүйіндіков Ақтаудағы сот ісіне байланысты хабар берді. Ол 19 қарашада Маңғыстау облысының сотында әлеуметтік араздықты қоздыру, билікті күштеп құлатуға шақыру, ұйымдасқан топ құру және оны басқару деректері бойынша Ақтау қалалық сотының 2012 жылғы 8 қазандағы үкіміне Владимир Козлов пен оның қорғаушыларының апелляциялық шағымдары қаралғандығын айтты.

Қылмыстық іс материалдарын және айыпталушы мен оның қорғаушыла­рының келтір­ген бар­лық уәждерін зерделеу нәтижесі бойынша бірінші са­тыдағы сот үкімі өзгеріссіз, ал апелляциялық шағымдар қана­ғаттандырусыз қалды­рылған. Осылайша, Владимир Козловқа, Серік Сапарғалиға және Ақжа­нат Аминовке қатысты үкім заңды күшіне енген.
Дегенмен, сотталғандар сот үкі­міне кассациялық және қада­ғалау тәртібінде шағымдануға құқылы.
Өз кезегінде аталған тұлға­ларға қа­тысты сот істі қараудың жан-жақтылық, тараптардың бә­секелестік және тең құ­қық­тылық қағаидаттары сақтала отырып, ашық режімде өткендігін атап өту қажет, дейді ресми өкіл. Бірінші және апел­ляциялық са­тыдағы соттармен айыптау және қорғаушы тараптармен ұсыныл­ған дәлелде­мелердің барлығы зерделенген. Сапарғали мен Аминов кінәларын мойындап және үкімге апелляция­лық тәр­тіп­те шағым келтірмеген көрі­неді.
Дей тұрғанмен, Козлов пен бас­қаларға қатысты заңды күші­не енген сот үкімімен тіркел­меген «Ал­ға» және «Халық майданы» қоғам­дық бірлестікте­рі­нің, сон­дай-ақ бірқатар бұқара­лық ақпа­рат құрал­да­ры­ның қыз­меті экс­тремистік сипатта бол­ғандығы анықталды, – деді бұ­дан әрі Н.Сүйіндіков. Атап айт­­қанда, сотпен «Ал­ға» және «Ха­лық майданы» мүшеле­рімен Жа­ңаөзен қала­сында ереуілге шық­қан мұнай­шылар арасында тара­тылған үн­деу­лер мен басқа да баспа өнім­дері, сондай-ақ олар­дың алдында сөйле­ген сөз­дері әлеуметтік араз­дықты қоз­дыруға бағыт­тал­ған­дығы және оларда билікті күштеп құ­латуға үндеу­лер бар екендігі анық­талыпты.
Сонымен бірге, соттың үкі­мінде «К+» телеарнасы, «Стан-ТВ», «Рес­публика» интернет-порталдары ма­териалдарының, «Республика», «Голос Республики», «Взгляд» газерт­терінің тұ­жырым­дамалық мәтіні әлеумет­тік араз­дық қоздыруға ба­ғыт­талса, «К+» телеарнасының, «Вз­­гляд», «Голос Республики» газет­терінің, «Республика», «Стан-ТВ» интернет-пор­талда­рының жария­лым­­дарының талдауында билікті күштеп басып алуды және мем­лекеттің қауіп­сіздігіне нұқсан кел­тіруді насихаттаулар бар екендігі көр­сетілген, деп атап өтті ресми өкіл.
Соттың бұл тұжырымдары бірқатар сот сараптамаларының қорытындылары­мен қуатталған. Өйткені, Қазақстан Рес­публика­сының «Экстремизмге қарсы іс-қимыл туралы» заңына сәйкес жеке тұлғалар бірлестігі экстре­мизмдi жүзеге асырған жағдайда сот тәртібімен олардың қызме­тіне тыйым салынуы тиіс.
Экстремизмді насихаттау бұ­қаралық ақпарат құралының шы­ғарылуын не бұқаралық ақпарат құралы өнімінің таратылуын тоқ­татуға негіз болып табылады (Қа­зақстан Республикасының «Бұқа­ралық ақпарат құралдары туралы» Заңының 13-бабы). Осы орайда Қылмыстық іс жүр­гізу кодексіне сәйкес (131-бап) сот­тың заңды кү­шiне енген үкімі анықталған мән-жайларға да, олар­дың құқықтық ба­ғалануына да қатысты барлық мемле­кеттік органдар үшiн мiн­деттi болып табылады.
Ал осы айтылғандарды ескере отырып, 2012 жылдың 20 қара­ша­­сында Алматы қаласы­ның про­куратурасы келесі та­лап­тармен және арыздармен сот­қа жүгінген. Онда: тіркелмеген «Ал­ға» және «Халық майданы» қо­ғамдық бірлестік­те­рін экстре­мис­тік деп тану және олар­дың қыз­метіне Қазақстан Рес­пуб­ликасы аума­ғында тыйым салу; 8 газет пен 23 интернет-ресурсын бірың­ғай «Республика» бұ­қа­ралық ақ­парат құралы деп тану және оның шығарылуына және Қазақ­стан Республикасы аума­ғында таратылуына тыйым салу; «Взгляд» газетінің және оны қай­талайтын интернет-ре­сурстардың шы­ғары­луына және Қазақстан Рес­публи­касы аума­ғында таратылуына тыйым салу; шетелдік бұқа­ралық ақ­парат құралы – «К+» теле­арна­сының және оны қайта­лайтын интер­нет-ресурстардың өнім­д­е­­рінің Қазақстан Республикасы аума­ғында таратылуына тыйым салу; шетелдік бұқаралық ақ­парат құралы – «stan.tv» интернет бей­непорталы өнімдерінің Қазақ­стан Республикасы аума­ғын­да таратылуына тыйым салу туралы айтылды,   деді Н.Сүйіндіков.

Александр ТАСБОЛАТОВ,
«Егемен Қазақстан».