Сот процесі жалғасуда
Сенбі, 24 қараша 2012 7:21
Талдықорған қалалық сотында әскери қызметші В.Челахтың ісі бойынша процесс жалғасуда. Кеше сот мәжілісі залына сотталушының келуі қамтамасыз етілді. Осылайша, сот Челахтың анасының сотталушыны сот залына әкелу туралы талабы қанағаттандырылды. Алайда, мәжіліс басталысымен В.Челах сот процесіне одан әрі қатысудан бас тартатынын айтып, өзін сотталушылар камерасына қайтаруды өтінді. Оның үстіне сотталушы іс бойынша барлық дәлелдер тексерілгеннен кейін ғана мәжіліске қатысатынын мәлімдеді.
Сенбі, 24 қараша 2012 7:21
Талдықорған қалалық сотында әскери қызметші В.Челахтың ісі бойынша процесс жалғасуда. Кеше сот мәжілісі залына сотталушының келуі қамтамасыз етілді. Осылайша, сот Челахтың анасының сотталушыны сот залына әкелу туралы талабы қанағаттандырылды. Алайда, мәжіліс басталысымен В.Челах сот процесіне одан әрі қатысудан бас тартатынын айтып, өзін сотталушылар камерасына қайтаруды өтінді. Оның үстіне сотталушы іс бойынша барлық дәлелдер тексерілгеннен кейін ғана мәжіліске қатысатынын мәлімдеді.
Адвокат Сәрсенов бұл өтінішті қанағаттандыруды сұрап, процесті В.Челахтың қатысуынсыз жалғастырған жөн екенін айтты. Осы сәтте Челах сотталушылар отырған жерден жұлқына шығып, конвой қызметіне қарсылық көрсетті. Сот 5 минуттық үзіліс жариялап, оның барысында сотталушы мәжіліс залынан шығарылды. Әрі қарай процесс Челахтың қатысуынсыз жалғасты.
Мәжілістің екінші жартысында сот зардап шегушілер өкілдерін сұрауға көшті. Олар өздерінің қаза тапқан туысқандары, шекара отрядындағы қызметтері, зардап шеккендер отбасыларының «Арқанкерген» бекетіндегі болған оқиғаны қалай білгені туралы әңгімелеп, сотталушыға қатысты өздерінің пікірлерін білдірді. Мәселен, зардап шеккен Саринов, Әмірғалиев, Қапанов, Сүндетовтің өкілдері Челахтың кінәлі екендігіне сенімді болса, Рей, Ілиясов, Ақышев, Қыдыралиев, Именованың туысқандары өздерінің пікірлерін сот пікірталасы кезінде білдіретіндіктерін айтты.
Сот мәжілісі күн сайын таңертеңгі 9:30-дан кешкі 19:00-ге дейін ашық режімде өтуде, деп хабарлады Қазақстан Республикасы Әскери сотының баспасөз қызметі.
