Жарысқа қатысыңыздар
Сейсенбі, 22 мамыр 2012 6:43
26-27 мамыр күндері Астана қаласында шағын футболданотбасылық «Бір атаның балалары футбол ойнайды» дегенатаумен республикалық жарыс өтеді.
Естеріңізде болса, осындай атауды иеленген жарыс біраз жылдар дәстүрлі түрде өткізіліп тұрды. Тіпті, бұл жарыста еліміздің әр өңірінен 60-қа жуық команда қатысып, нөмірі бірінші спорт түрінің көрігін қыздыратын. Бұл жарыстың негізгі мақсаты – спортты насихаттап, шағын футболдағы команда арқылы бірлік, отбасына құрмет және елдік патриотизмге тәрбиелеу. Өкінішке қарай, соңғы 7-8 жылда жарыс уақытша тоқтап қалған болатын. Сол үрдіс биыл қайта жалғасын тауып, турнирдің бойына қайта қан жүгіргелі тұр.
Сейсенбі, 22 мамыр 2012 6:43
26-27 мамыр күндері Астана қаласында шағын футболданотбасылық «Бір атаның балалары футбол ойнайды» дегенатаумен республикалық жарыс өтеді.
Естеріңізде болса, осындай атауды иеленген жарыс біраз жылдар дәстүрлі түрде өткізіліп тұрды. Тіпті, бұл жарыста еліміздің әр өңірінен 60-қа жуық команда қатысып, нөмірі бірінші спорт түрінің көрігін қыздыратын. Бұл жарыстың негізгі мақсаты – спортты насихаттап, шағын футболдағы команда арқылы бірлік, отбасына құрмет және елдік патриотизмге тәрбиелеу. Өкінішке қарай, соңғы 7-8 жылда жарыс уақытша тоқтап қалған болатын. Сол үрдіс биыл қайта жалғасын тауып, турнирдің бойына қайта қан жүгіргелі тұр.
Турнирге жіберілудің басты шарты – әр команда «Sport» немесе орыс тіліндегі «Спорт» газетінің бес данасын бір жылға жазғызып алулары керек. Жарысқа осылайша жолдама алуға болады. Команда құрамына шек қойылмайды. Тек ойыншылардың фамилиялары бірдей болулары керек. Яғни, атасы, баласы, немересі, шөбересі, т.с.с. Жиендер командаға кіре алмайды. Олар өз аталарының командасын құра алады.
Тағы бір атап өтерлік жәйт, командаға қыз баланы қосамын десе, қарсылық жоқ. Егер бір баланың фамилиясы өзге болып жазылса, онда дәлелдеуші құжаттар арқылы ол баланы командаға қосуға болады. Алаңда төрт адам, қақпада бір адам – командада бес адам ойнайды. Жеребе тарту рәсімі 25 мамыр күні өтеді.
Өтетін уақыты: 26-27 мамыр.
Астана. «Алатау» спорт кешені.
Жарыстың салтанатты ашылуы: сағат 12.00-де.
Жеребе тарту рәсімі 25 мамыр күні «Алатау» спорт кешенінде сағат 19.00-де өтеді.
Телефондар: 8(7172) 57 79 23,
факс: 8(7172)577914.
E.mail: [email protected]
_____________________
Дастан КЕНЖАЛИН,
«Егемен Қазақстан».