Судьялар спартакиадасы
Сейсенбі, 22 мамыр 2012 6:45
Жуырда «Локомотив» стадионында Қызылорда облыстық соты менСудьялар одағының облыстық филиалының ұйымдастыруымен ҰлыЖеңістің 67 жылдығы мен Отан қорғаушылар күніне арнапсаламатты өмір салтын қалыптастыру мақсатында судьялар менсот қызметкерлерінің арасында спорттың бес түрінен спартакиадаөткізілді.
Сейсенбі, 22 мамыр 2012 6:45
Жуырда «Локомотив» стадионында Қызылорда облыстық соты менСудьялар одағының облыстық филиалының ұйымдастыруымен ҰлыЖеңістің 67 жылдығы мен Отан қорғаушылар күніне арнапсаламатты өмір салтын қалыптастыру мақсатында судьялар менсот қызметкерлерінің арасында спорттың бес түрінен спартакиадаөткізілді.
Оған Қызылорда мамандандырылған ауданаралық экономикалық соты және мамандандырылған әкімшілік соты, Қызылорда облысының кәмелетке толмағандардың істері жөніндегі мамандандырылған ауданаралық сотының «Сұңқар» командасы, облыстық қылмыстық істер жөніндегі мамандандырылған ауданаралық сотының «Айбын» командасы, Қызылорда қалалық соты және №2 Қызылорда қалалық сотының «Қанағат» командасы, Жалағаш, Шиелі, Сырдария, Жаңақорған аудандық соттарының «Тура би» командасы және Арал, Қазалы, Байқоңыр, Қармақшы аудандық соттарының «Барыс» командалары болып шағын футбол, эстафеталық жарыс, гир көтеру, арқан тарту және ұзақ қашықтыққа жүгіруден бақ сынасты.
Спартакиаданы Қызылорда облыстық сотының кассациялық сот алқасының төрағасы Қ.Адранов ашып, қатысушыларды Отан қорғаушылар және Ұлы Жеңістің 67 жылдығымен құттықтап, спортшыларға сәттілік тіледі.
Спортшылар әуелі теңбіл доп тебу сайысынан сынға түсті. Бұл тартысты жарыста «Айбын» командасы І орынды иеленсе, ІІ орынға «Қанағат» командасы, ІІІ орынға «Тура би» командасы ие болды.
Жарыс қорытындысы бойынша Қызылорда қалалық сотының судьясы С.Абдиканов үздік шабуылшы, облыстық соттың судьясы А.Ерманов үздік қорғаушы, Жалағаш аудандық сотының судьясы А.Мизанбаев үздік қақпашы атақтарына ие болды.
Ал эстафеталық жарыстан «Сұңқар» командасына жетер жүйрік болған жоқ. Қалған ІІ және ІІІ жүлделі орындарды «Айбын» командасы мен «Қанағат» командасы қанағат тұтты.
Содан кейінгі арқан тарту сайысынан «Барыс» командасы күштілік танытып І орынды иеленсе, намысты қолдан бермей ІІ орынды «Тура би» командасы алса, ІІІ орынға «Сұңқар» командасы табан тіреді.
Ұзақ қашықтыққа жүгіру сайысы бойынша «Қанағат» командасынан Әйгерім Нәкиева мәре сызығына бірінші болып келсе, ІІ-ІІІ орындар «Сұңқар» командасынан Диана Құрманғазықызына, «Қанағат» командасынан Жазира Жаналиеваға бұйырды.
Барлық спартакиадаға қатысушы спортшылар арнайы дайындалған медальдар, кубоктар және дипломдармен марапатталды.
Шара ұйымдастырып өткізуге мұрындық болған Судьялар одағының Қызылорда облыстық филиалының төрағасы Жанат Бекжанов спартакиаданың саламатты өмір салтын қалыптастырудағы маңыздылығын атап өтті.
Ғанибет ИБНАЖИПОВ,
Қызылорда қалалық сотының жетекші маманы.
