Спорт
Сәрсенбі, 6 маусым 2012 6:56
Кәсіпқой бокс. АҚШ-тың Лас-Вегас қаласында Бүкіләлемдікбокс қауымдастығының (WBA) нұсқасы бойынша жартылай ауырсалмақтағы әлем чемпионы Бейбіт Шүменов мексикалық Энрике Орнеласпен өткізген кездесуіндеөз атағын қорғап қалды.
Сәрсенбі, 6 маусым 2012 6:56
Кәсіпқой бокс. АҚШ-тың Лас-Вегас қаласында Бүкіләлемдікбокс қауымдастығының (WBA) нұсқасы бойынша жартылай ауырсалмақтағы әлем чемпионы Бейбіт Шүменов мексикалық Энрике Орнеласпен өткізген кездесуіндеөз атағын қорғап қалды.
Осыған дейін 13 жекпе-жек өткізіп, соның бәрінде айқын басымдықпен жеңген Шүменов бұл жолы да 12 раундқа созылған айқаста қарсыластын тізе бүктірді.
Ол жекпе-жектің бірінші раундын жақсы бастап, кездесуді уақытынан бұрын аяқтап тастайтындай болып көрінген еді. Алайда, мексикалық боксшы да анау айтқандай осал емес екен. Ол бесінші раундта белсенділігін арттырып, соққыларды діттеген жеріне дарыта білді. Сөйтіп, 12 раундқа созылған айқаста Шүменов қарсыласын ұпай санымен ғана жеңе алды.
Жақында Шымкентте өткен тағы бір кәсіпқой бокс кешінде Жанат Жақиянов WBС Asia Council Continental тұжырымы бойынша Азия чемпионы атағын қорғап қалды. Ол осы атаққа күрескен Тимур Шайлезовпен қолғап түйістіріп, жеңіске жетті.
Бокс. Астанада өткен Бокс федерациясының кеңейтілген отырысында«Астана арландары» жартылай кәсіпқой клубының директоры қызметінде Болат Манкенов қалатын болып шешілді.
Отырыста федерацияның президенті Тимур Құлыбаев команда басшысына жаңа міндеттер жүктеп, жаңа құрам жасақтауды тапсырды. Осы кездесуде ерлер және қыздар ұлттық құрама командаларының бас бапкерлері Мырзағали Айтжанов пен Вадим Присяжнюк Олимпиадаға дайындық туралы баяндама жасады.
Кикбоксинг. Жақында Венгрияда кикбоксингтен өткен Әлем кубогыжолындағы жарыста Қазақстан ұлттық құрамасының мына спортшыларыжеңімпаз бен жүлдегерлер атанды. Саян Жақыпов, ӘлімжанҚұдайбергенов, Нұрсұлтан Хасанов, Стельян Аврамиди, Захар Воробей, Әйгерім Төрехан, Тимур Хамзин, Айдархан Нүкенов, Мұхамеджан Тілегенов, Әлішер Қабдианов жеңімпаз атанса, Рауан Смағұлов, Айдана Төреханова, Георгий Валынский, Әліби Халилла екінші орынды, ЖеңісЕрдәулет, Жалғасбай Әбшекенов, Ерсайын Қасамбаев, Мұхамед Масақбаев, Дидар Жабаева үшінші орынды иеленді.
20 елдің өкілдері қатысқан жарыста еліміз құрамасы жалпы командалық есепте екінші орынға ие болса, бірінші орынға Беларусь шықты. Үшінші орынды Ресей спортшылары қанағат тұтты.
Футбол. 2013 жылы Қазақстан премьер-лигасы күзде басталып, көктемдеаяқталатын жүйеге көшеді. Алғашқы маусымда отандық командалар үшкезеңнен тұратын біріншілікті өткізеді.
Бұл туралы Астанада өткен Футбол федерациясының отырысында хабарланды. Отырыста премьер-лигадағы 14 клубтың басшылары биылғы маусымның кемшіліктері мен шешімін таппаған мәселелерін талқылады. Онда өңірлерде футболды насихаттау, клубтардың бойтұмарын жасау, командалардың танымалдығын арттыру, матчтарға билет сату сияқты мәселелер көтерілді. Соның ішіндегі ең басты жаңалық – Қазақстан премьер-лигасының күзде басталып, көктемде аяқталатыны болды. Осыған байланысты елімізде кемінде 3 000 адам сыятын жабық футбол залдарын салу мәселесі айтылды.
Дайындаған
Дастан КЕНЖАЛИН,
«Егемен Қазақстан».
_______________________
Шведова ширек финалда
Францияның Париж қаласында өтіп жатқан Роллан Гаррос«Үлкен шлем» бәсекелерінде қазақстандық теннисші Ярослава Шведова ширек финалға жолдама алды.
Дүйсенбі күнгі кездесуде ол осы жарыстың өткен жылғы жеңімпазы Ли Наны үш сетте 3:6, 6:2, 6:0 есебімен ұтты.
Шведова енді Варвара Лепченконы (АҚШ) қапы қалдырған Петра Квитовамен (Чехия) кездеседі. Соңғы рет Шведова Роллан Гаррос жарысының ширек финалына 2010 жылы шыққан болатын. Содан бері жарақаттарды көп алуына байланысты көптеген турнирлерде жолы болмай жүрді.
Осы турнирде тағы бір қазақстандық теннисші Галина Воскобоева микст бойынша ширек финалға шықты. Ол итальян Даниел Брачиаллемен бір жұпта аргентиналық Гиселуа Дулко мен Эдуардо Шванкты ұтты. Есеп – 6:4, 7:5.
