«Халықаралық «Жанашыр» қоғамдық қоры ҚР Ақпарат және қоғамдық даму министрлігінің қолдауымен «Азаматтық бастамаларды қолдау орталығы» КЕАҚ мемлекеттік гранты негізінде «Бірыңғай ортақ құндылықтарды қалыптастыру, сондай-ақ Қазақстан этностары арасында «Рухани жаңғыру» бағдарламасын ілгерілету» тақырыбындағы жобаны жүзеге асырып отыр.
Жаңадан жасақталған ақпараттық-насихаттық топ мүшелері тұрақты түрде жұмыс істеп, мектептер мен колледждерде, ЖОО-дарда, этно-мәдени орталықтар мен жастар ұйымдарында ақпараттық-насихат жұмыстарын жүргізіп, түрлі шаралар ұйымдастырып, лекциялар оқитын болады», дейді ұйым басшысы Жаңыл Әпетова.
Алматы қаласы ҚХА мүшелері – Грек мәдени орталығының төрағасы Георгий Иорданиди, Алматы қаласы ҚХА төрағасының орынбасары, Осетин мәдени орталығының басшысы Казбек Мамсуров, Қазақстанның еңбек сіңірген қайраткер Асылы Осман, ҚР еңбек сіңірген өнер қайраткері Сауық Жақанова, Алматы қаласы Қоғамдық кеңесінің мүшелері Құсман Шалабаев, Майра Сағымбекова, ҚР экономикалық қоғамдастықтарының және басқа да нысандағы кооперативтердің ұлттық қауымдастығы» ЗТБ президенті Қазбек Шайых, «Халифа Алтай» қорының төрағасы Қабден Алтайұлы, «Бәйтерек» жастар орталығының жетекшісі Мейіргүл Қазыбаева, Сервистік қызмет көрсету колледжі жастар ұйымының жетекшісі Тұрсын Бекжан «Рухани жаңғыру» бағдарламасын ілгерілету жөніндегі пікірлері мен ұсыныстарын ортаға салды. Отырыс нәтижесінде ақпараттық-насихаттық топ құрылып, құрамы бекітілді.
Топ құрамына ҮЕҰ мен сараптамалық қауымдастық өкілдері, этно-мәдени орталықтардың көшбасшылары, мәдениет, әдебиет және өнер қайраткерлері, тарихшылар мен этнографтар топтастырылды.
Отырысты «EDTECH-KZ» Халықаралық білім орталығының бас директоры, Қазақ психологиялық қоғамының вице-президенті Ғани Бейсембаев жүргізді.
