Аймақтар • 23 Сәуір, 2019

Кезекті финалист анықталды

390 реткөрсетілді

Атырау қаласында «Бала дауысы» балалардың ұлттық ән байқауының төртінші мауысымының іріктеу кезеңі өтті.

8 бен 12 жас аралығындағы балалар үшін байқау­дың іріктеу кезеңдері елімізде 29 наурыздан бастап өтуде. Атырау облысына дейін шығармашылық топ Алматы, Шымкент қалалары мен Түркістан, Жам­был, Қызылорда, Ақтөбе, Батыс Қазақстан және Маңғыстау облыстарына барып қайтты.

Қазылар алқасын бастап келген Атырау облысы финалисінің жұлдызды тәлімгері Динара Сұлтан балаларға арналған ауқымды жобаға ал­ғаш рет қатысқан болатын. Соған қарамастан ол байқау ереже­лері бойынша кезекті финалисі таң­дай алды.

Финалға жолдама алу сәті Альфия Тілекқабылға бұйырды. Ол қазылар алқасы мен көрер­мендердің алдында өзін жан-жақты көрсете білді. Қазақ, орыс және ағылшын тілдерінде үш әнді керемет орындап шықты. Дарынды баланы анасы бас­таған бір топ жақындары қолдап келді. Олар «Жан­дану әлемі» қоғамдық қоры, Әлия Назарбаева мен жобаның шығармашылық тобына кішкентай қазақ­стандықтарға ашатын үлкен мүмкіндіктер үшін алғыс білдірді.

Күзде Альфия Қазақстанның басқа аймақтарының 16 финалисімен «Жұлдызды Арман үйінде» кез­деседі. Байқаудың суперфиналына дайындалу мақ­сатында балалар вокал, хореография және әртістік қабілеттерін шыңдайтын сабақтарға қатысады.

25-27 қазан күндері балдырғандар жобаның ақтық бағдарламаларында өнер көрсетіп, байқауға арнайы жазылған әндерді орындайды.

«Бала дауысы-2019» байқауының жеңімпазы музыкалық оқу орнында білім алуға мүмкіндік беретін грант пен Диснейленд ертегілер әлеміне сая­хат жолдамасын ұтып алады.

 

Баннер
Соңғы жаңалықтар

Біз - «BIRGE»!

Сайлау • Кеше

Сауаптан құр қалмаңыз

Руханият • Кеше

Игі істердің ұйытқысы

Руханият • Кеше

Ұқсас жаңалықтар