Ал одан кейін біз жаңа президентті сайлау күнін белгіледік. Осының бәрі кезең-кезеңмен, өркениетті жолмен өткізіліп келеді. Nur Otan партиясының бүгінгі съезінде саяси ұйым өзінің лайықты кандидатын ұсынып отыр. Партия Төрағасы, Елбасы Нұрсұлтан Назарбаев ол кандидаттың есімін атады. Сонымен бірге оның бүгінгі таңдағы Мемлекет басшысы болуға бірден-бір лайықты тұлға екені айтылды. Барлық қызметімен, іс-әрекеттерімен Қасым-Жомарт Кемелұлы Тоқаев Қазақстанның іргесі бүтін, төрт аяғын тең басқан беделді, болашағы кемел мемлекет болуы жолында аянбай, білгірлікпен еңбек етіп келеді. Оны Қазақстан халқы дүниежүзілік аренадағы танымал саясаткер ретінде де жақсы біледі.
Қуаныш СҰЛТАНОВ,
Мемлекет және қоғам қайраткері, Мәжіліс депутаты:
