Жауынгерлік самбодан әлемнің үш дүркін чемпионы деген атағы бар қандасымыз 27 жастағы германиялық Лом-Әли «Арыстан» Эскиевпен күш сынасады. Неміс спортшысы осыған дейін 19 кездесу өткізіп, 15 мәрте жеңіске жетті. Арман Оспанов 10 рет айқас алаңына шығып, 8 бәсекені өз пайдасына шешті. Қазақ жігіті өзінің соңғы жекпе-жегін 2017 жылдың желтоқсан айында өткізген еді. Міне, енді «Сұңқар» ұзаққа созылған үзілістен соң октагонға қайта оралғалы отыр.
Ал 33 жастағы Евгенийдің қарсыласы – ресейлік Батраз Агнаев. Солтүстік Осетияның тумасы біздің жігіттен үш жас кіші. Батраз 5 жекпе-жек өткізіп, 4 рет жеңіс тойын тойлады. Ал кезінде бокстан жастар арасындағы әлем біріншілігінің жүлдегері атанған жерлесіміз ережесіз жекпе-жектен 10 кездесу өткізіп, соның біреуінде ғана жеңіліс тапты.
