Экономика • 26 Сәуір, 2019

Қазақстан мен Ресей Кировец маркалы тракторлардың, арнайы техникалардың және КАМАЗ автокомпоненттерін бірлесіп өндіруге келісті

652 реткөрсетілді

Бұл туралы Индустрия және инфрақұрылымдық даму министрлігінің баспасөз қызметі хабарлады.

Қазақстан Республикасының Премьер-министрі Асқар Маминнің Ресей Федерациясына сапары аясында өнеркәсіп саласына қатысты екі құжатқа қол қойылды. Олар: «Агромашхолдинг KZ» АҚ-да Кировец маркалы тракторлар мен олардың құрамдас бөлшектері өндірісін ұйымдастыру» жобасын іске асыру бойынша жол картасы және арнайы техника мен КАМАЗ автокомпоненттерін өндіру бойынша бірлескен жобаларды іске асыру ынтымақтастығы туралы келісім.

Қазақстандық тараптан арнайы техника мен КАМАЗ автокомпоненттерін өндіру бойынша бірлескен жобаларды жүзеге асыру жөніндегі ынтымақтастық туралы келісімге ҚР Индустрия және инфрақұрылымдық даму вице-министрі Аманияз Ержанов, Қазақстан авто бизнесі қауымдастығының президенті Андрей Лаврентьев, «ҚДБ-Лизинг» АҚ Басқарма төрағасы Нұрлан Байбазаров, ал Ресей тарапынан Ресей Федерациясының өнеркәсіп және сауда вице-министрі Александр Морозов пен «КАМАЗ» ЖАҚ бас директоры Сергей Когогин қол қойды.

Аманияз Ержанов атап өткендей, келісім аясында ҚР ИИДМ елдің қолданыстағы заңнамасына сәйкес Қазақстан Республикасының аумағында Өндірісті инвестициялау үшін қолайлы жағдайлар жасауға және өндіріске қолдау көрсетуге ниетті. Атап айтқанда, Мемлекеттік бағдарламалар аясында жеңілдікпен қаржыландыру арқылы Қазақстанның ішкі және сыртқы нарықтарында өндіріс өнімдеріне сұранысты қолдау шараларын қабылдау, өнімді мемлекеттік қажеттіліктер мен квазимемлекеттік сектордың қажеттіліктері үшін сатып алуға қатысу кезінде мемлекеттік қолдау шараларын қабылдау және басқа да шаралар бар.

Ресей Федерациясының Өнеркәсіп және сауда министрлігі Ресей Федерациясының қолданыстағы заңнамасына сәйкес өндіріске қолдау көрсетуге, соның ішінде өндіріс үшін қажетті құрамдас бөлшектерді Ресейден экспорттауға қолдау көрсетуге ниет білдіріп отыр. «КАМАЗ» ЖАҚ өкілдері де КАМАЗ маркалы жүк автомобильдерінің үглілік қатарын кеңейту мақсатында қажетті шаралар жүргізуге ниетті. Атап айтқанда, Қазақстан Республикасында арнайы автотехниканы және Қазақстан Республикасының ішкі нарығы үшін де, экспорттық нарықтарға өткізу үшін де жолаушылар көлігінің модельдерін өндіру, Қазақстан Республикасының аумағында өндіру үшін автокомпоненттерді, оның ішінде КАМАЗ маркалы жүк көлігі үшін білік редукторларын шоғырландыру, өндіру және өндірілетін өнім үшін автокомпоненттердің экспортын дамыту бағдарламасын әзірлеу.

«ҚДБ-Лизинг» АҚ құрал-жабдықтар мен құрылыс-монтаждау жұмыстары құнынан 30%-ке дейінгі мөлшерде аванс жасауды, сондай-ақ өндірілетін өнімді сатып алатын тұлғаларды лизингтік қаржыландыруды қамтамасыз ету кезінде Tobolkz негізгі құрал-жабдықтарын сатып алуға немесе КАМАЗ капиталының қатысуымен құрылған өзге де бірлескен кәсіпорынға 70%-ке дейінгі мөлшерде лизингтік қаржыландыруды ұсыну арқылы өндірісті ұйымдастыруға және дамытуға қолдау көрсетуге ниетті.

Екінші құжат - «Агромашхолдинг KZ» АҚ-да Кировец маркалы тракторлар мен олардың құрамдас бөлшектері өндірісін ұйымдастыру» жобасын іске асыру бойынша жол картасына Қазақстан тарапынан Қазақстан авто бизнесі қауымдастығының президенті Андрей Лаврентьев және Ресей тарапынан «Петербургский тракторный завод» АҚ директоры Сергей Серебряков қол қойды.

Құжатта заңнаманың тұрақтылығын қамтамасыз ету, өндірісті іске асыруда үстеме міндеттеме алу кезінде қажетті сыртқы инфрақұрылыммен (автожол және т/ж жолы) өндірісті қамтамасыз ету мақсатында инвестициялық өндірісті қолдау мәселелері қарастырылады.

Құжат салық преференцияларын, КАМАЗ өндірісінің автомобильдерін және олардың құрамдас бөлшектерін жасауға бағытталған жеңілдікпен қаржыландыруды (оның ішінде лизингтік қаржыландыруды), сондай-ақ құрылған өндірістердің дайын өнімдерін жеңілдікпен лизингтік қаржыландыруды, инвестициялық субсидия, Қазақстан Республикасында мемлекеттік қолдаудың басқа да формалары есебінен жабдықтар мен құрылыс-монтаж жұмыстарына инвестициялардың 30%-тін қайтаруды қарастырады.


Баннер
Соңғы жаңалықтар

«Менің атым Қожа» – Лондонда!

Руханият • Бүгін, 12:09

Бас жүлдеге бергісіз жеңіс

Руханият • Бүгін, 09:42

«Ролан Гаррос» басталды

Теннис • Бүгін, 09:37

Ғылымға бетбұрыс

Қоғам • Бүгін, 09:12

Капитан қызы – Маша

Руханият • Бүгін, 08:57

Интернет қатерлері

Қоғам • Бүгін, 08:53

Ұқсас жаңалықтар