Спорт • 28 Сәуір, 2019

ММА: АСА-дағы жерлестеріміздің айқын жеңісі

939 рет
көрсетілді
1 мин
оқу үшін

Мәскеуде ережесіз жекпе-жектен Еуропадағы ең үздік промоушен – АСА өзінің кезекті турнирін өткізді. Бұл жарыста Қазақстанның екі өрені күш сынасты.

ММА: АСА-дағы жерлестеріміздің айқын жеңісі

66 кило салмақта Арман «Сұңқар» Оспанов ұзаққа созылған үзілістен кейін октагонға қайта оралды.  Жаунгерлік самбодан әлемнің үш дүркін чемпионы деген атағы бар қандасымыз 27 жастағы германиялық Лом-Әли «Арыстан» Эскиевпен күш сынасты. Осыған дейін 19 кездесу өткізіп, 15 мәрте жеңіске жеткен неміс спортшысы да осал емес еді. Бірінші кезеңде Эскиев сәл басымдық танытты. Ал екінші кезең басталған бетте «Сұңқар» самғап келіп, қарсыласын тіземен тура бастан тепті. «Арыстан» ауыр нокаут алды.


93 кило салмақтағы Евгений «Метис» Егембердиев кезінде бокстан жастар арасындағы әлем біріншілігінің жүлдегері атанғаны белгілі. Сол себепті де ресейлік Батраз Агнаевқа қарсы жекпе-жекте ол тік тұрып айқасуды кұп көрді. Нәтижесінде екінші кезеңде Солтүстік Осетияның тумасын біздің жігіт ауыр соққылардың астына алып, айқын жеңіске жетті.