Қауіптен қаймықпады
Сәрсенбі, 30 қаңтар 2013 7:37
Үйде болсын, түзде болсын адамға қауіп төнген кезде, ең алдымен оның қорғаныш іздейтіні полиция екендігі сөзсіз. Сондайда шыны керек, ұры-қарылардан, қанды балақ қылмыскерлерден, тіпті көшедегі бұзақылардан қорғап қалатын осы полиция қызметкерлері. Осындай бір ерлікке толы оқиға кеше ғана Астана қаласында орын алды. Онда қолдарындағы суық қарумен айналасына қауіп төндірген қылмыскерлер көрінгенге оқ жаудырып, алапат сойқан туғызды. Бұл атысты естіген патрульдік полиция полкінің қызметкерлері полиция сержанты Н. Құрмашев, кіші сержант Е. Есенов және полиция старшинасы А. Айнақұловтар лезде оқиға орнына жетіп барды. Өздеріне қарсы атылған қорғасын оқтан қаймықпай батылдық пен ерлік үлгісін танытқан полиция қызметкерлері екі қарулы қылмыскерді тырп еткізбей бірден құрықтады.
Сәрсенбі, 30 қаңтар 2013 7:37
Үйде болсын, түзде болсын адамға қауіп төнген кезде, ең алдымен оның қорғаныш іздейтіні полиция екендігі сөзсіз. Сондайда шыны керек, ұры-қарылардан, қанды балақ қылмыскерлерден, тіпті көшедегі бұзақылардан қорғап қалатын осы полиция қызметкерлері. Осындай бір ерлікке толы оқиға кеше ғана Астана қаласында орын алды. Онда қолдарындағы суық қарумен айналасына қауіп төндірген қылмыскерлер көрінгенге оқ жаудырып, алапат сойқан туғызды. Бұл атысты естіген патрульдік полиция полкінің қызметкерлері полиция сержанты Н. Құрмашев, кіші сержант Е. Есенов және полиция старшинасы А. Айнақұловтар лезде оқиға орнына жетіп барды. Өздеріне қарсы атылған қорғасын оқтан қаймықпай батылдық пен ерлік үлгісін танытқан полиция қызметкерлері екі қарулы қылмыскерді тырп еткізбей бірден құрықтады.
Олардың қолындағы мылтық пен оқтарды тәркіледі. Қандыбалақ қарақшылар бейбіт адамдарды өлтіруге қарекет қылған екен. Абырой болғанда, дер кезінде жетіп, қылмыскерлердің кісі өлтірерлік екпінінен қорықпай, қауіптің көзін жойды.
Бұл ерлік атаусыз да қалмады. Ерекше қырағылық танытып, қылмыскерлерді шұғыл құрықтағандары үшін патрульдік полиция полкінің қызметкерлері полиция сержанты Н. Құрмашев, кіші сержант Е. Есенов және полиция старшинасы А. Айнақұловтар ІІД бастығы, полиция генерал-майоры Амантай Әубәкіровтің қолынан түрлі марапатқа ие болды. Бұл орайда ІІД бастығы: «Бізде мұндай батыл жігіттер көп. Олар үшін қашанда ерлікке орын бар. Өйткені, осы елордалық полиция қызметкерлері үнемі өз өмірлерін қауіпке тіге отырып, кез келген адамды қылмыскерлерден, өрттен, апаттардан құтқаруда. Олардың ерліктерін ел бағалайды», деді.
Александр ТАСБОЛАТОВ,
«Егемен Қазақстан».
