56 жерлесіміз Кеңес Одағының Батыры атағын иеленсе, 11 жерлесіміз «Даңқ» орденінің толық иегері атанған. Былтыр 130 соғыс ардагеріне құрмет көрсетілсе, биыл олардың қатары 82-ге дейін кеміген.Майдангерлердің ең жасы 93-те.
Облыстық ардагерлер кеңесінің төрағасы Ескендір Елеусізовтың айтуынша, Жеңіс күні қарсаңында соғыс ардагерлерінің әрқайсысына 250 мың теңге көлемінде сыйақы беріледі.
«Соғыс ардагерлеріне теңестірілгендерге 5 АЕК мөлшерінде бірреттік сыйақы беріледі. Бұдан басқа, ай сайын оларға 40 мың теңге төленеді. Тіс протезін салу, шипажайларда ем-дом алу тегін. Мереке қарсаңында ТМД елдері бойынша бір бағытқа тегін жол жүре алады», дейді Ескендір Есмақұлы.
Мұндай қошеметтен мекеме-ұйымдарға бекітіліп берілген тыл еңбеккерлері де шет қалмайды.
