Қазақстан Президенттігінен үміткерлердің үгіт-насихат жұмыстары кандидаттардың бағдарламасы мен өмірлік ұстанымдарына байланысты ерекшеленіп тұрғандығы байқалды. Мәселен, біреулері бірінші күннен-ақ халықпен кездесулер ұйымдастырса, енді біреулері плакаттар іліп, халық назарын аударуға тырысты. Бұл – қысқа уақытта ықтимал сайлаушыларына өзінің негізгі идеяларын жеткізуге бағытталған дұрыс қадам. Айталық, үміткерлер мен олардың сенім білдірген өкілдері өңірлерде жұртшылықпен кездесіп, бағдарламасының негізгі бағыттарын түсіндіруге кірісті.
Сондай-ақ биылғы сайлауда үміткерлер әлеуметтік желінің күшін пайдалануда. Әлеуметтік желіге орналастырылған бағдарламалар мен суреттерге халықтың беріп жатқан бағасы да әр алуан. Бірақ болашақта бұл бағыттағы жұмыстар жүйеленуі керек деп ойлаймын.
Берік ӘБДІҒАЛИ,
саясаттанушы
