Аймақтар • 14 Мамыр, 2019

Қазақстанда ЖИТС-тен көз жұмғандарға арт-нысан құрылады

921 рет көрсетілді

Халықаралық ЖИТС-тен қайтыс болғандарды еске алу күні қарсаңында ДСМ Қазақ дерматология және инфекциялық аурулар ғылыми орталығы (ҚДИАҒО) үкіметтік емес ұйымдармен және азаматтық белсенділермен бірлесе отырып, Қазақстанда ЖИТС-тен қайтыс болғандардың естелігі ретінде арт-объект құруға мұрындық болып отыр.

ҚДИАҒО арт-нысан құру жөніндегі идеялар конкурсын жариялап, барлық мүдделі адамдарға өз ұсыныстары мен эскиздерін 2019 жылғы 1 қарашаға дейін info@kncdiz.kz поштасына «Конкурс» белгісімен жіберуді ұсынып отыр. Конкурс жеңімпазының жобасы Алматы қаласында жүзеге асырылады. Конкурс тұжырымдамасы мен және шарттары http://www.rcaids.kz сайтында егжей-тегжейлі баяндалған.

– ЖИТС бүкіл әлемде миллиондаған адамның өмірін жалмады. Оларды ұмыту мүмкін емес. АИТВ-инфекциясы емделмейтін кезде, қайғылы естеліктер жиі жаңарып тұратын еді. Ол кезде науқастардың ешқандай таңдауы болмағандықтан, көз жұмып жатты. Антиретровирустық терапияның пайда болуымен АИТВ-ахуалды адамдардың өмірі ұзарды. Сол өмірден озғандарды еске ала отырып, енді бәріміз бірігіп, тірілер туралы ойлауымыз қажет, – дейді ҚДИАҒО директоры Бауыржан Байсеркин.

Биыл ЖИТС-тен қайтыс болғандарды еске алудың Халықаралық күнін әлем 19 мамыр күні атап өтеді. Бұл күні түрлі елде, сондай-ақ, Қазақстанда да дөңгелек үстелдер, флеш-мобтар, тренингтер және басқа да іс-шаралар болып ұйымдастырылады. Бұл шараға болысу ЖИТС-тен қайтыс болғандарды еске алып қоймай, АИТВ індетіне кім тап болғандарға деген түсіністік ниетті білдіреді. Біздің елімізде бұл шаралар «Өмір сүру үшін, есте ұстаймыз!» ұранымен өтеді.

ЖИТС-тан көз жұмғандарды еске алу күні қарсаңында қазақстандық белсенділер осы шараға болысуға ниет білдіргендерге тақырыпқа көңіл бөліп, Фейсбук желісінде өз суретін арнайы еске алу шеңберін қолдана отырып, ЖИТС-тен қайтыс болғандарды еске алуды ұсынып отыр.

Алғаш рет Халықаралық ЖИТС-тен қайтыс болғандарды еске алу күні (World Remembrance Day of AIDS Victims) 1983 жылы америкалық Сан-Францискода аталып өтілген. Содан кейін бірнеше жылдан соң осы ауруға қарсы қозғалыстың нышаны пайда болды. Ол киімге тағылған қызыл бау, сондай-ақ, түрлі-түсті мата – өмірден өткен көптеген адамдардың белгісі ретінде мата кесінділерінен тігілген құрақтар. Бұл атрибуттарды 1991 жылы суретші Фрэнк Мур ойлап тапқан. Қазіргі уақытта ЖИТС-тен қайтыс болғандарды еске алудың Халықаралық күнінде аталмыш науқан белсенділері мен бей-жай қарамайтын адамдар өздерінің киімдеріне қызыл бау тағады.

АЛМАТЫ

Соңғы жаңалықтар

Ұлылар үндестігі

Қазақстан • Кеше

Баға бақыланады

Қаржы • Кеше

Мейірім шұғыласы

Руханият • Кеше

Цифрлы даму: Жаңа бетбұрыс

Технология • Кеше

Махаббат әуені

Өнер • Кеше

Ұқсас жаңалықтар