Сайлау • 22 Мамыр, 2019

1597 сенім білдірілген адам тіркелген

834 реткөрсетілді

Сайлау науқанының көрігі қызып келеді. Бұл сайлаудың бұрын­ғылардан өзгешілігі айқын аңғарылып жатыр. Үміткерлердің өз халдерінше осалы жоқтай. Сайлауалды бағдарламалары да халықтың көкейіндегі мәселелерді қамтиды. Енді таңдау сайлаушылардың өзіне қалып тұрған сыңайлы.

Жақында Қызылордада Өңір­лік Коммуникациялар қыз­метін­де Қазақстан Президенттігі­не кан­дидаттардың сенімді өкіл­дері үгіт жұмыстарын өткізу тәртібі бойынша түсіндіру шараларын жүргізді.

Облыс бойынша 1 облыс­тық, 8 аумақтық сайлау комис­сиялары және 366 учаскелік сай­лау комиссиясы жұмыс ат­қара­ды. Қазіргі таңда барлық деңгейдегі сайлау комиссиялары электораттық оқытудан өткізілуде. Бар­лығы 29 топтан құралған 793 сай­лау комиссиясының мүшелері оқытылып жатыр.

«Облыс бойынша бүгінде билбордтар мен плакаттар үшін 238 орын және сайлаушылармен кездесулер ұйымдастыру үшін 170 үй-жай белгіленген, кандидаттарға үгіт жүргізу үшін толық жағдай жасалған», деді облыстық сайлау комиссиясының төрағасы Абайбек Жүнісов. 

Қазақстан Президенттігіне кандидаттардың облыс бойын­ша 1597 сенімді өкілі тір­келіп, куәліктері табысталды. Кан­ди­дат­тарды қолдауға бай­ланыс­­ты облыс аумағында 7 қоғамдық штаб құрылған. Штаб өкілдері сайлау комиссияларымен өзара кедергісіз байланысады және кеңес алады.

Сайлауға қатысып, дауыс берумен ғана іс бітпейді. Сенім білдірген адамдардың заң шең­берінен шығып кетпеуі, дауыс беру барысында ескеретін мә­се­лелері жеткілікті. Кездесуде об­лыстық сайлау комиссиясының хат­шысы Аягөз Сырлыбаева үгіт-насихат жұмыстарының тәртібі және жалпы шарттары туралы жан-жақты айтып берді.


Қызылорда облысы
Баннер
Соңғы жаңалықтар

Оралда Digital In West форумы өтті

Аймақтар • Бүгін, 12:09

Ерікті болу - ерлік

Қазақстан • 13 Қыркүйек, 2019

Ұқсас жаңалықтар