22 Мамыр, 2019

Төрт аталым бойынша анықталады

858 реткөрсетілді
Мәдениет және спорт министрлігі маусым айында журналистердің төл мерекесі – Баспасөз және ақпа­рат қыз­меткерлері күніне орай мемлекеттік тіл саясатын бұқаралық ақпарат құралдарында насихаттау, қазақтілді контентті арттыру және мемлекеттік тілдің қолдану аясын кеңейту мақсатында «Мемлекеттік тіл және БАҚ» республикалық байқауын өткізеді. 

Тіл саясаты комитеті мен «Ш.Шаях­метов атындағы «Тіл-қа­зына» ғылыми-тәжірибелік ор­талығы» АҚ ұйымдастыруымен болатын конкурсқа ел аумағындағы барлық БАҚ өкілі қатыса алады. Ол үшін 2018 жылғы 11 маусым мен 2019 жылғы 3 маусым аралығында мемлекеттік тіл саясатын насихаттайтын, қазақ тілінің қолданыс аясын кеңейтуге ықпал етіп, Тіл туралы заңға қайшы әрекеттерді әшкерелейтін БАҚ-та жарияланған материалдарын биылғы 4 маусымға дейін жолдаулары тиіс. 

Байқауды ұйымдастырушы­лардың айтуларына қарағанда, жеңімпаздар төрт аталым бойынша анықталады: «Үздік мақала», «Үздік телебағдарлама», «Үздік радиобағдарлама» және «Үздік сайт мақаласы». 

Конкурсқа қатысушылардың жұмыстарын комитет бекіткен мамандар – филология, журналистика салаларының білікті мамандары, ғалымдар, зиялы қауым өкілдерінен құралған комиссия бағалап, жеңімпазды анықтайды. 

«Байқау жеңімпазына 1 млн теңге табысталады. Әр аталым бойынша жүлдегерлер: 1-орын – 500 мың теңге, 2-орын – 350 мың теңге, 3-орын – 150 мың теңгенің сертификатына ие болады» дейді министрлік өкілдері. 

Айта кетейік, алдыңғы бай­қауларда бас жүлде алған же­ңім­­паздар конкурсқа қатыс­ты­рылмайды. 
Баннер
Соңғы жаңалықтар

Ұқсас жаңалықтар