Руханият • 23 Мамыр, 2019

«Әлемнің абсурдтығы да адамды шабыттандырады»

739 реткөрсетілді

Гүлдананың сурет­те­рінен даланың тама­ша көріністері мен­мұн­далайды. Туған жердің әуені еміс-еміс естілетіндей... Сондық­тан болса керек, ол Қос­танай қаласында ұйым­дастырған алғашқы көр­месін «Дала әуендері» деп атапты. Суреттерінің «Тамғалы петроглифтері», «Қорқыт», «Бұғы», «То­мирис», «Абылай хан» жә­не осы сынды тағы да басқа атауларға ие болуы осыған дәлел болса керек.

Суретшінің айтуына қара­ғанда, нағашы атасы – Төлебай қария кезінде темірден түйін түй­ген шебер кісі болыпты. Ат әбзелдерін жасаған. Гүлдана осы өнерін атасынан қонған қасиет деп біледі.

Суретші алғашқы кезде үйреншікті кенептің орнына былғары, түрлі аңдардың терілерін және тұлыпты қол­даныпты. Көрген жанды та­ңыр­қатпай қоймайды. Оның жұмыстары – көбіне сәндік бұйымдар. Теріге бейнелеген суреттеріне ашық акрилді, сырларды пайдаланатындықтан ғана емес, қосымша материалдар – табиғи тастар, моншақтар, сәндік түймелер, тиындар және жан-жануарлардың сүйектерін қолданғаны, сөз жоқ, ерекше көз тартады.

– Бір жұмысыңызға қанша уақыт жұмсайсыз? – деп сұра­дық тулақты туындыға айналдыратын суретшіден.

– Өнер адамы болған соң, мұны шабытпен байланыстырамын, – деді ол. – Кейде бір күнде екі-үш туынды жазуым мүмкін. Ал кей сәттерде ештеңе де сала алмауым ғажап емес.

– Туындыларыңыз көбіне қай тақырыптарды қамтиды?

– Алғашқы көрмемде негізгі тақырыбым абстракция болатын. Өзімнің табиғатыма жақын. Бірақ екінші көрмемде ұзақ ойланып, автор ретінде өзімнің туып-өскен жерімді бейнелеуді жөн санадым.

Гүлдана Жұрқабаева шы­ғар­машыл жастардың ха­лық­аралық «Шабыт» фестива­лінен бастап, Kunshyag қайы­рымдылық балы сынды түрлі шараларға қатысқан. Сондай-ақ ол 2016 жылы International art Festival & Content – «Та­нысу» фестивалінде лау­реат атанып, 1-орынды же­ңіп алған (Италия). Ал 2017 жы­лы Қазақстан Рес­пуб­лика­сының Тұңғыш Прези­ден­ті­нің кітапхана-мұража­йында «Өзіңе жол» жеке көрмесін ұйымдастырған.

– Бір кездері мен теріден қолданбалы өнер жасаудың шебері едім. Бүгінде туындыларымды маймен жазамын. Барлық шығармашылық адамдары сияқты мен де үнемі ізде­ністе жүремін. Жаңа нәрсені үйренуден жалықпаймын. Ертең не қызықтыратынын білмеймін. Мені терең ойлы адамдар, әлем­нің кеңдігі, сананың құпия күштері, философия бойынша қы­зықты кітаптар, уақыттың жыл­дамдығы, тіпті осы әлемнің абсурдтығы да шабыттандырады, – дейді өнер иесі.

Гүлдана Жұрқабаева Aru-Art жеке галереясы мен Hazifa тоқыма үйінде арт-менеджер болып жұмыс істеген, бүгінде «Тұран» колледжінде дизайнерлерге дәріс оқиды. Сондай-ақ суретші Balapan арнасында шеберлік сабақтарын көрсетеді, логотиптер әзірлейді, этностильде аксессуарлар жасайды, көр­мелерді ұйымдастыруға көмектеседі.

Гүлдана ойға алған жоспарларын да ортаға салды.

– Сіздермен алғаш рет бө­лі­сіп отырмын: жақында «Ху­дож­­­ник что пишет» ат­ты кі­табымды жаза бастадым. Қы­зықты болатынына сенім­дімін. Оқырмандарым да көп болады деп ойлаймын, – деді суретші.

Баннер
Соңғы жаңалықтар

Көш басында - Канело

Спорт • Кеше

Ауылда да субұрқақ бар

Аймақтар • Кеше

Шыңға біткен шынардай Шыңғыс еді!..

Руханият • 14 Маусым, 2019

Мерейі тасыған отбасы

Руханият • 14 Маусым, 2019

Бірлесіп күресуге шақырды

Саясат • 14 Маусым, 2019

«Реал» 303 миллион еуро жұмсады

Футбол • 14 Маусым, 2019

Олимпиада жолдамасын иеленді

Спорт • 14 Маусым, 2019

Еуропа ойындары басталады

Спорт • 14 Маусым, 2019

Демалыс аймағы ашылды

Аймақтар • 14 Маусым, 2019

Мұражайлар фестивалі

Аймақтар • 14 Маусым, 2019

Мейіргер Шархат

Аймақтар • 14 Маусым, 2019

Робот арқылы операция жасайды

Аймақтар • 14 Маусым, 2019

Ұқсас жаңалықтар