Қазылар алқасының құрамындағы танымал әнші Маржан Арапбаева мен музыкалық продюсер Фарида Ниязова 8 бен 12 жас аралығындағы 300-ден астам қатысушыны тыңдады.
Байқаудың ақтық кезеңіне 10 жасар Камилла Кузденбаева өтті. Ол қазылар алқасы мен көрермендерді өзінің ерекше дауысы мен ырғақты сезу қабілетімен таңғалдырды. Камилланың керемет табиғи вокалды қабілеттері ешкімді бейжай қалдырған жоқ. Анасының айтуы бойынша шығармашылық икемділіктерін Камилла балалық шағынан бастап танытып келеді. Қаржы қызметкерлерінің отбасында дүниеге келген балдырған бір жарым жасында-ақ айналадағыларды «Антошка» әнін орындаумен қуантқан. Ал алғаш вокал сабақтарына Камилла үш жасқа толмай жазылған. Сол кезден бастап ол музыка мен әнсіз ешбір күнін өткізбейді. Сонымен қатар дарынды балдырған испан тілін үйренуде. Бұл тілдің оған ұнайтыны соншалықты, репертуарындағы әндердің көп бөлігі сол тілде орындалады. Астаналық финалист би және фортепианода ойнаумен шұғылданады. Болашақта Камилла Кузденбаева өзін әлем сахналарының жұлдызы ретінде көреді. Ол еліміздегі ең ауқымды балалар жобасы – «Бала дауысы» бұл арманға жету жолында өз септігін тигізетініне сенімді.
Күзде Камилла Қазақстанның басқа аймақтарының 16 финалисімен «Жұлдызды Арман үйінде» кездеседі. Байқаудың суперфиналына дайындалу мақсатында балалар вокал, хореография және әртістік қабілеттерін арттыратын сабақтарға қатысады.
25 мен 27 қазан күндері балдырғандар жобаның ақтық бағдарламаларында өнер көрсетіп, байқауға арнайы жазылған әндерді орындайды.
