Форум жаңа белеске көтерілді
Сейсенбі, 16 сәуір 2013 2:03
Алматы облысында басты мақсаты туған жерінің қалыптасуы мен жүйелі дамуына, сол арқылы тұтастай тәуелсіз Қазақстанның дамуына сүбелі үлес қосқан отандастарымыздың жетістіктерінің тарихын айқындап, көрсету болып табылатын «Елімнің тағдыры – менің тағдырым!» атты форумның екінші кезеңі бастау алды. Ауданның белгілі адамдарының қатысуымен өткен мерекелік іс-шара Қаскелең қаласында ұйымдастырылды.
Сейсенбі, 16 сәуір 2013 2:03
Алматы облысында басты мақсаты туған жерінің қалыптасуы мен жүйелі дамуына, сол арқылы тұтастай тәуелсіз Қазақстанның дамуына сүбелі үлес қосқан отандастарымыздың жетістіктерінің тарихын айқындап, көрсету болып табылатын «Елімнің тағдыры – менің тағдырым!» атты форумның екінші кезеңі бастау алды. Ауданның белгілі адамдарының қатысуымен өткен мерекелік іс-шара Қаскелең қаласында ұйымдастырылды.
Еске сала кетсек, екінші республикалық форум Ақмола облысында бастау алған болатын. Бірінші кезеңде эстафетаны республиканың барлық аудандары қабылдап алып, облыстық форумға лайық дегендері жолдама алды. Форум спикерлерін бүгінгі күннің нағыз ерлері: көрнекті қоғам және саяси қайраткерлер, мемлекеттік органдардың, өнер мен ғылым, этномәдени бірлестіктердің өкілдері елімізде түрлі салаларда қызмет ететін зиялылар, соғыс және еңбек ардагерлері, жауынгер-интернационалистер, атақты спортшылар, жастар көшбасшылары құрады.
Ең лайықты деп танылғандар елорда күні қарсаңында Астанада өткізілетін «Елімнің тағдыры – менің тағдырым!» екінші республикалық форумына жолдама алады.
Алматы облысы ерте кезден-ақ өзінің өндіріс, ауылшаруашылық және құрылыс салалары бойынша жетістіктерімен танылып, аймақтың экономикасының дамуына өз үлестерін қосып келеді. Индустриялық-инновациялық дамуға бағытталған мемлекеттік бағдарламаларды жеделдетудің нәтижесі экономика салаларының нақты дамуына оң ықпалын тигізді. Облыста аймақтық жалпы өнім 2011 жылы 1 286,4 млрд. теңгені, жан басына шаққанда 680,1 мың. теңгені құрады. Сонымен бірге, облыстың республикадағы ІЖӨ-сі 4,4%-ды көрсетті. 2012 жылғы бағалау бойынша ІАӨ 1 385,4 млрд. теңгені, жан басына шаққанда 726,8 мың теңгені құрап, 2011 жылмен салыстырғанда 6,9%- ға өсті.
Денсаулық сақтау, білім беру, мәдениет, спорт, шағын және орта бизнестің дамуына барлық жағдай жасалған. Жергілікті басымдықтардың бірі халықтың әлеуметтік қорғалуы, әсіресе, отандастарымыздың өмір сапасын арттыру екені қуантып отыр. Тек ішкі және халықаралық туризмнің дамуына ғана емес, сондай-ақ мыңдаған қазақстандықтардың ән-жырына арқау болған қасиетті Жетісу жері мен табиғи-рекреациялық ресурстар – Іле және Жоңғар Алатауы, Алакөл және Балқаш көлдері, тау өзендері жайында айта кеткен орынды.
Дегенмен, Алматы облысы мен жалпы Қазақстанның басты байлығы – адамдары. Олардың қатарына елімізге ғана емес, сонымен бірге, әлемге танымал жыр алыбы Жамбыл Жабаев, саяси қайраткер Тұрар Рысқұлов, ақиық ақын Мұқағали Мақатаев, қазақтың бейнелеу өнерінің негізін салушы Әбілхан Қастеев, композиторлар Нұрғиса Тілендиев пен Мұқан Төлебаев, ұшқыш-космонавт Талғат Мұсабаев және т.б. бар. Бұл тізімдегі ерекше орынды Қаскелең ауданындағы Шамалған ауылында дүниеге келген Қазақстан Республикасының Тұңғыш Президенті Нұрсұлтан Әбішұлы Назарбаев иеленеді.
Дәл осы жерде бірінші облыстық форумды өткізу туралы шешім қабылданды. Іс-шараның салтанатты рәсімі Наурызбай батырдың ескерткішіне гүл шоқтарын қоюмен басталды. Одан ары кеш қонақтары мен қатысушылары Үшқоңыр кентіндегі Қарасай батыр атындағы мектептегі «Шапағат» мұражайында және Қаскелеңдегі тарихи-өлкетану мұражайында қарсы алынды.
Қаhармандары Алматы облысының тұрғындары болып табылатын «Елімнің тағдыры – менің тағдырым!» деректі фильмі көрсетілгеннен кейін Қаскелең мәдениет үйінде негізгі бөлімді аудан әкімі Серік Мұқанов ашып: «Қиын-қыстау кезеңде Қазақстанның Тұңғыш Президенті Нұрсұлтан Назарбаев еліміздің басты басымдығы ретінде әуелі – экономика, одан кейін – саясат, деп белгілеп, елі мен халқының тағдырын өз жауапкершілігіне алды. Бүгінде біздің реформаларымыз әлемде «қазақстандық жол» деген атпен белгілі. Нұрсұлтан Әбішұлы тағдыр мен тарих сынағынан абыроймен өтті, өз халқын өркендеу жолына жеткізді», – деді.
Ұлы Отан соғысының ардагері, Елбасының мұғалімі болған Сейітхан Исаев, Қарасай аудандық ардагерлер кеңесінің төрағасы Сайлаубек Қыдыралиев, «Құрмет» орденінің иегері, Балқаш ауданының құрметті азаматы, облыстық мәслихаттың депутаты, Балқаш аудандық «Бірлік» агрофирмасының директоры Әбдіжаппар Қыстаубаев, Алакөл аудандық мәслихатының депутаты, аудандық әжелер кеңесінің төрайымы, білім беру ісінің құрметті қызметкері Ұлжалғас Дүйсенбаева, Панфиловтағы «Ирада» шаруа қожалығының төрайымы Суриям Изимова жерлестері алдында өздерінің ой-пайымдарын ортаға салды.
ҰОС-тың 95 жастағы ардагері Сейітхан Исаев өзінің дарынды оқушысы Нұрсұлтан Назарбаев туралы естеліктерімен бөлісті. «Мектеп қабырғасынан бастап Нұрсұлтанның мінезінде басты ерекшелік – мақсатқа талпынушылық аңғарылды. Сол балғын шағынан ол келешекті ойлады, ол үшін күресті, адамдарға қызмет етуге ұмтылды, өзіндегінің бәрін Отанына берді», – деді ол.
Форумға қатысушы Суриям Изимова Тұңғыш Президенттің «Халықтың күші – бірлікте!» деген сөзін келтірді. «Және шын мәнінде, біз, Қазақстанда өмір сүретін әртүрлі этнос өкілдері елдің басты жетістігі – ол адам екендігіне көз жеткіздік. Біздің ортақ Отанымыз – Қазақстан! Бұл ел маған өмір сүруге барлық мүмкіндіктер берді, мұнда өсу, даму және гүлдену үшін барлық жағдайлар жасалған. Біздер бұл елге ризамыз!», – деді ол. «Елімнің тағдыры – менің тағдырым!» атты облыстық форум аясында Қаскелең қаласында «Атом» жобасының петициясына 4 мың адам қол қойды.
Облыстық филармония әртістерінің атсалысуымен дайындалған мерекелік концерт оның шарықтауы болды. Бағдарлама Президент Н.Назарбаевтың әндерінен құралды.
* * *
Өткен апта ішінде Ақмола, Ақтөбе, Алматы, Атырау, Батыс Қазақстан, Жамбыл, Қарағанды, Қостанай, Қызылорда, Маңғыстау, Павлодар, Солтүстік Қазақстан облыстарында 30 қалалық және аудандық деңгейдегі форумдар болып өтті. Іс-шараға мәжілісмендер мен сенаторлар қатысты.
—————————-
Суретте: Наурызбай батыр ескерткішіне гүл шоқтарын қою рәсімінен көрініс.
