Саясат • 12 Маусым, 2019

Президентті ұлықтау рәсімі басталды

354 реткөрсетілді

Нұр-Сұлтанда жаңа сайланған Мемлекет басшысы Қасым-Жомарт Тоқаевты ұлықтау рәсімі басталды. Ұлықтау рәсіміне Қазақстан Репсубликасының Тұңғыш Президенті – Елбасы қатысып жатыр.

Ұлықтау рәсімі Тәуелсіздік сарайында өтіп жатыр. Қ. Тоқаевты ұлықтау рәсіміне Үкімет мүшелері, Парламент депутаттары, Конституциялық Кеңес мүшелерi, Жоғарғы Сот судьялары, Қазақстанда тіркелген дипломатиялық корпус өкілдері және басқа да шақырылған қонақтар қатысуда. Сонымен бірге соңғы сайлауға түскен Амангелді Таспихов та қонақтар қатарынан көрінді. 

Рәсімнің ашылуы Мемлекеттік Ту, Қазақстан Республикасы Президентінің мемлекеттік штандарты мен Конституцияны алып шығумен басталды.

Еске сала кетсек, Қасым-Жомарт Тоқаев 9 маусымда өткен сайлауда 70,96 пайыз басымдықпен жеңіске жеткен болатын. Оған 6 539 715 адам дауыс берген. 

Баннер
Соңғы жаңалықтар

Қостанайда киік мүсіні орнатылды

Аймақтар • 17 Тамыз, 2019

Ұқсас жаңалықтар