Халықтың сенімін иелену үшін Қасым-Жомарт Тоқаев сайлау болатынын жариялаған еді. Барлығымыз куә болғандай, сол сайлауда жеңіске жетті. Ұлықтау рәсімінде Президент өте жақсы сөйледі. Мемлекеттің беделін көтеруге, халқымыздың ынтымағы мен әл-ауқатын арттыруға арналған шаралар туралы, атқаратын істері туралы өте жақсы айтты. Әсіресе жемқорлыққа қарсы аяусыз күрес бастайтыны және мұғалімдер мен дәрігерлердің беделін көтеру туралы заң қабылданатыны қуантты. Жалпы, халықтың жалақысы төмен екенін ескеріп өткені де маңызды. Елімізде жалақы төмен, оны көтеру керек. Айтқаны келсін, дегені болсын! Халқымыз жақсы заманда өмір сүре берсін!
Мырзатай ЖОЛДАСБЕКОВ,
филология ғылымдарының докторы, профессор
