Бүгінгі көркем фильмдердің суреткерлік әлемін байланыстырып жатқан ортақ тақырып – әлем тыныштығы мен ғаламшар қауіпсіздігі. Бұл жолы да әлемдік қауымдастыққа қауіп төндіріп тұрған тыңшыларға құпия агенттіктер қарсы тұрады. Фильм – Лоуэлла Каннингемнің комикстер сериясына негізделген шебер құрылған композициясымен-ақ культке айналған «Қара киімділер» сериялы фильмінің спин-офф нұсқасы. Кинотуындының режиссері – Феликс Гэри Грей болса, сценарийді Арт Маркум мен Мэтт Холлоуэем жазды. Басты рөлдерді Крис Хемсуорт пен Тесса Томпсон ойнады. «Келесі тараудың қызықты болатыны сөзсіз. Мені адамдардың басын біріктіретін дүние ерекше шабыттандырады. Әртүрлі салада табысты болғаным өзіме жақсы болды. Мақсаттарым сенім бере түседі. Осыған дейінгі атқарған шаруаларым келешек жоспарларымды айқындап береді», дейді режиссер Феликс Гэри Грей басылымдарға берген сұхбатында.
Фильм түсірілімі 2018 жылдың 9 шілдесінде Лондонда басталып, Мароккода, Италияда және Нью-Йоркте жалғасты. Эмма Томпсон бұл жолы да агент О рөлін қайта сомдап шыққан. Ал көрнекі эффектілерді жасауға Rodeo FX, Sony Pictures Imageworks және Method сынды беделді студиялар атсалысты.
