Берлиндегі халықаралық Наурыз мейрамы

Сейсенбі, 2 сәуір 2013 0:28

Берлиннің Мемлекеттік этнологиялық мұражайында Қазақстан, Әзербайжан, Ауғанстан, Иран, Қырғызстан, Пәкстан, Тәжікстан, Түркіменстан, Түркия және Өзбекстан елшіліктері бірге ұйымдастырған Наурыз мейрамы өтті, деп хабарлады Сыртқы істер министрлігінің баспасөз қызметі.

Сейсенбі, 2 сәуір 2013 0:28

Берлиннің Мемлекеттік этнологиялық мұражайында Қазақстан, Әзербайжан, Ауғанстан, Иран, Қырғызстан, Пәкстан, Тәжікстан, Түркіменстан, Түркия және Өзбекстан елшіліктері бірге ұйымдастырған Наурыз мейрамы өтті, деп хабарлады Сыртқы істер министрлігінің баспасөз қызметі.

Көктемгі мерекені тойлауға 1000-ға жуық қонақ қатысты, олардың ішінде Федералдық үкі­мет пен Бундестаг өкілдері, қо­ғамдық-саяси және іскерлік құ­рылымдар қызметкерлері, дип­ло­матиялық корпус мүшелері, сон­дай-ақ, сараптамалық және журналистік топтар болды.
Наурыз мейрамын мерекелеу ерекшеліктері туралы жарқын әңгімелеумен қатар, салтанат аясында қонақтарға халқымыздың қайталанбас өнерпаздығы мен бай мәдени мұрасын сіңірген бірегей ұлттық киімдер мен әшекейлер, тұрмыс заттары мен бұйымдар, өнегелі салт-дәстүр паш етілді.
Шығыс қонақжайлығы дәс­түр­лері өрісінде ғаламат аспаздық сауық ұйымдастырылып, оның барысында мереке меймандары әйгілі халық тағамдары сырларын зерделеуге мүмкіндік алды, шеберлікпен әзірленген ұлттық тамақтың дәмін лайықты деңгейде бағалады.
Салтанатты шара шеңберінде дәстүрлі мерекелі концерт өт­кі­­­зіліп, оның аясында он ел­дің орын­даушылары мен фольк­­­лор­­лық-этнографиялық ан­­сам­­бльдері талғампаз көрер­мен­дерге өз­дерінің өнер­лерін ұсынды.
Ұлы Абай шығармалары не­­гі­зіндегі қазақ әуендері мен ән­дерінің жарқын гамма­сы, сон­дай-ақ, «Жар-жар» ұлт­тық үйлену салтының сах­налан­дырыл­ған қойылымы көк­тем мей­ра­мының өзіндік шуақты безен­дірілуіне айналды.
Қонақтарға Қазақстанның 2050 жылға дейінгі Даму стра­­­тегия­сына, Астанада ЭКС­ПО-2017 халықаралық көрме­нің өткізілуіне, сондай-ақ, елі­міз­дің Тәуелсіздік жыл­дарын­дағы жетістіктеріне ар­налған материалдар топтамасы табыс етілді.
Шара 21 наурызды Халық­аралық Наурыз күні деп белгілеп, БҰҰ Бас Ассамблеясы 2010 жылы  қабылдаған қарардың іске асырылуына қосылған нақты үлес болды. Аталған қарарда БҰҰ-ға мүше мемлекеттер халықтары арасында рухани келісімді, достық пен бейбітшілікті нығайту мақсатында осы ежелгі мереке туралы ілімдер та­ратуға күш салу керектігі нақ­ты­ланған болатын.