Аймақтар • 25 Маусым, 2019

Жапон инвесторлары Арыстағы зардап шеккендерге көмектесуге ниетті

342 реткөрсетілді

Атырау облысының әкімі Нұрлан Ноғаевпен кездесуде жапон компаниясының өкілі осыны мәлімдеді.

- Түркістан облысындағы қайғылы оқиға туралы бәріміз де хабардармыз. 40 мыңнан астам зардап шеккендер бүгінде үйіне орала алмай отыр. Жапониядағы атом электрстанциясындағы апат кезінде Қазақстан біздің халқымызға өлшеусіз көмек, қолдау көрсетті. Біз оны ұмытқан жоқпыз, сондықтан зардап шеккендерге қолымыздан келгенше көмектесеміз деген ниеттеміз,-деді «Tokyo Rope Almaty» ЖШС-нің бас директоры Такеяма Тошио.

Өңір басшылығымен кездесу кезінде жапон инвесторлары екі жақты ынтымақтастық мәселелерін талқылады. Күншығыс елінің бизнес – компанияларының Атырау өңіріне қызығушылық танытуының себебі – Қазақстанның мұнай-газ саласындағы неғұрлым ірі жобалары осында шоғырланған. Өңірдің инвестициялық мүмкіндіктерімен танысу үшін Атырауға «Metal One Corporation», «Metal One Steel Products Corporation» және басқа да компаниялардың басшылығы келді.

Әлем бойынша болат өнімдерін өңдейтін  160 жапондық және шетелдік компанияларымен жұмыс істейтін «Metal One Corporation» компаниясы болат дистрибьюциясы саласында көшбасшы.

«MetalOneSteelProductsCorporation» жалпыұлттық көлемде сым шыбықтарын, арнайы болат және тот баспайтын болат шығарумен айналысады. 

Облыс әкімі Нұрлан Ноғаев инвесторларды өңірдің инвестициялық мүмкіндіктерімен таныстырып, Елбасының, Президенттің ел экономикасына инвестициялар тартуға зор маңыз беріп отырғанын атап өтті. «Біз тиімді қарым-қатынас үшін қажетті барлық жағдайды жасаймыз, екіжақты ынтымақтастың әлеуеті зор»,-деп өңір басшысы атап айтты.   

Жапондық инвесторлар өнім өндіретін өз зауытын салуды жоспарлап отыр. Жұмыс сапары кезінде олар болашақ құрылыстың алаңшасын қарайды. Сондай-ақ, индустриалдық мұнай химиясы технопаркінің жұмысымен танысады.

Баннер
Соңғы жаңалықтар

Жаны қазақ Виктория

Қоғам • Кеше

Қандастарға қамқорлық

Аймақтар • Кеше

Қытай айнасының құпиясы

Аймақтар • Кеше

Өнер қонған өлке

Аймақтар • Кеше

Тасқа қашалған жыр

Аймақтар • Кеше

Инфляция ырыққа көне ме?

Экономика • Кеше

Алматыда жарық сөніп қалды

Аймақтар • 15 Шілде, 2019

Ұқсас жаңалықтар