Сахнаға Латвия, Оңтүстік Корея, Литва, Бурятия, Эстония, Украина, Зимбабве, Мозамбик, Франция, Алжир, Испания, Тува Республикасы, Ресей және Қазақстанның 13 музыкалық ұжымы шығады.
Фестиваль Нұр-Сұлтан қаласы әкімдігінің қолдауымен Қазақстандағы жастар жылы аясында ұйымдастырылып отыр.
Кеш 17:00-де басталады. Кiру тегiн.
Фестиваль аумағында жəрмеңке мен шеберлердің этникалық қалашығы ашылады. Концерт қонақтары қолөнершілер ұсынатын киім-кешектер, музыкалық аспаптар мен кəдесыйлар сатып ала алады. Фестиваль көрермендері мен қонақтарына жанды дауыстағы музыкалық туындылармен қатар, жобаға қатысушы мемлекеттер туралы интерактивті фильмдерден тұратын ерекше шоу ұсынылады. Көрермендер заманауи технологиялармен үйлестірілген дәстүрлі аспаптардың ерекше үнін тыңдай алады.
Концерт сахнаның екі жағына қойылған үлкен LED-дисплейлерден онлайн түрде көрсетіледі. Дәстүр бойынша, фестиваль The Spirit of Tengri жобасының YouTube-арнасынан тікелей көрсетіледі.
