Спорт • 09 Шілде, 2019

BAQ league: «Егемен» кубогы сарапқа салынады

343 рет көрсетілді

Нұр-Cұлтан қаласында ша­ғын футболдан журналистер ара­сындағы BAQ league біріншілігінің алтыншы маусымы басталды. «Egemen Qazaqstan» газетінің 100 жылдық мерейтойына арналған Журналистер лигасына қатысуға биыл 17 команда өтініш білдірді.

Жарыстың ресми ашылу салтанатына «Egemen Qazaqstan» республикалық газеті» АҚ басқарма төрағасы Дархан Қыдырәлі қатысып, ұйымдастыру алқасы мен турнирге қатысатын журналистерге сәттілік тілеп, ең мықты ұжымның жеңіске жетуіне тілектестігін білдірді. 

BAQ league – Қазақстан журналис­ти­касының тарихындағы тұңғыш және жалғыз толыққанды футбол біріншілігі. Бұл жоба журналистер арасындағы ынтымақтастық пен достықты арттырып, жаңа таныстар табуға жол ашып, редакция ішіндегі татулықты күшейтеді. BAQ league брендімен БАҚ өкілдері арасындағы шағын футбол біріншіліктері Нұр-Сұлтан қаласынан бөлек, Алматы және Ақтау сынды қалаларда да ұйымдастырылады. Ал елордамызда өтетін BAQ league біріншілігіне апта сайын Алматы, Қарағанды, Қостанай, Павлодар, Шымкент қалаларының да журналистері келіп қатысады. Бұл – лиганың қарқынды дамып жатқанының және журналистер қауымы арасында маңызы артқандығының белгісі. Бүгінде BAQ league әр маусым сайын 30-дан аса БАҚ редакциясы мен 300-ден астам журналистің басын біріктіретін елеулі жобаға айналды. 

2018 жылдан бастап журналистер біріншілігі екі лигаға бөлінген. «А» лигасының командалары жүлделі орындарды өзара сарапқа салса, «В» лигасының командалары Жоғары топтың жолдамаларына таласады. Алтыншы маусым 2019 жылдың 7 шілдесінде басталып, 1 қыркүйегіне дейін жалғасады. Сондай-ақ лига ойындарымен қатар журналистер «Egemen Qazaqstan» газетінің кубогын да сарапқа салады. Ойындар елордадағы «Тарлан Арена» спорт кешенінде өтеді. Лиганың ашылу салтанатында 100-ге жуық журналист жасыл алаңда жүз санын флешмоб арқылы бейнелеп, «Егеменнің» 100 жылдығына тарту жасады.

Соңғы жаңалықтар

Алматыда Көк базар жабылады

Аймақтар • Бүгін, 11:02

Ел газетінің жаңа жобасы

Оқиға • Бүгін, 08:05

Білім – басты құндылық

Аймақтар • Бүгін, 07:40

Асанәлі және «Ай мен Айша»

Таным • Бүгін, 07:26

Хаттар, хаттар...

Таным • Бүгін, 07:08

«Қарақшылық» қарекеті

Таным • Бүгін, 06:56

Құмырсқалар қалашығы

Оқиға • Бүгін, 06:45

Кәсіпорындардың тиімділігі артады

Технология • Бүгін, 06:33

Абдырамай алға ұмтылғандар

Аймақтар • Бүгін, 06:16

Ұқсас жаңалықтар