Құр тамашалаған жоқ, белгілі археологтармен бірге өздері де қорғандарды қазу жұмыстарына атсалысты. Елеке сазы қорымында балалар тарих ғылымдарының докторы, әл-Фараби атындағы Қазақ ұлттық университеті тарих және археология кафедрасының меңгерушісі, археолог Ғани Омаровпен танысып, емін-еркін әңгіме-дүкен құрды. Өздерін толғандырған сұрақтарын қойды. Ал XVII ғасырда салынған Аблайкит бекінісінде Ә.Марғұлан атындағы Археология институтының ғылыми қызметкері Ерлан Қазизов пен Жапонияның Нантэ университетінің тарих және география профессоры Марк-Оливер Перудің жетекшілігімен жас зерттеушілер қорғанның сыртқы және ішкі қабырғасы бойындағы қазба жұмыстарына қатысты. «Өңіріміздегі ежелгі қорғандарды қазу кезінде әлем ғалымдарын таңғалдырған сенсациялық ғылыми-археологиялық жаңалықтар ашылғаны мәлім. Археология әдістерін зерттеу балалар үшін де өте қызық. Мұндай шара жас ұрпақты туған өлкенің мәдени-тарихи мұрасымен кеңінен танысуға мүмкіндік береді», дейді «Дарын» өңірлік ғылыми-практикалық орталығы директорының міндетін атқарушы Гауһар Рахымжанова.
