Руханият • 12 Шілде, 2019

«Dauys» палитрасы

119 реткөрсетілді

Өмірге деген құлшыныстың, ішкі күштің түсі – қызыл түс, импрессионистік жағыстар – көрмеде қойылған композициялық құрылымы, бағыты жағынан бір-бірін қайталамайтын картиналардың ортақ ерекшелігі. «Амплитуда» шығармашылық тобының «Dauys» атты кезекті көрмесі өнерсүйер қауым үшін айқара ашық.

«Амплитуда» – сан алуан тақырыпта жұмыс істей­тін жас суретшілер тобы. Жас та болса олар Қазақ­станда, алыс шетелдерде та­­­ны­лып үлгерді. Топтағы су­рет­шілердің көркем тілдері түрлі болғанымен, төрт сурет­шінің басын қосып, ортақ­тастыратын дүние – түске деген құштарлық. Көрмедегі «Таңғажайып адамдар» бағ­дар­ламасы арқылы ТМД елдері көрермендеріне кең танылған, суретті көзін жұмып салатын Ренат Елубаевтың, сәндік-қолданбалы өнермен қатар кескіндемемен, сондай-ақ қоғамдық жұмыстармен де белсене айналысатын Гүлдана Жұрқабаеваның сюжетті картиналары мазмұн кеңдігімен ерекшеленеді. Ал абстрактілі бейнелеу ар­қылы идеяны ашық бояулар арқылы әсерлі жеткізетін Мария Бендарьская мен Ве­неция биенналесінің қаты­сушысы, Қазақстанға арнайы шақырумен келген суретші «Астана Опе­ра» театры­мен тығыз шығар­ма­шылық қа­рым-қатынаста жұмыс істеп жүр­ген Наи­ра Туманянның соңғы жұмыс­тары суретші түй­сінген шын­дықты айқын көрсетеді. 

Ғарыштық атмосфераны кенеп бетіне суреттеген автор Гүлдана Жұрқабаева өз ойын былай жеткізеді: «Көр­меге қойылған біздің туын­дыларымызды көрген жан не айтқымыз келгенін сөзсіз ұғатынына күмәнім жоқ. Атауының өзі түрлі-түсті картиналардың эмоцио­налды тетігі деуге келеді. Сондықтан әр қылқалам иесі – өзінше жасампаз тұлға. Өзге суретшілер сияқты мен де өмірден, махаббаттан, сезімнен нәр аламын. Менің шығармаларымның басты нысаны адамдар. Мұнда да әйгілі екі әйелге арналған екі туындым қойылды. Олардың жарқын бейнесі, болмысы, шығармашылығы мені ерекше таңдандырды. Мен олардан өзімді көремін».

Жаңа буын суретшілері бүгінгі заманның куәгері ретінде концептуалды ше­шімге құлаш сермей отырып, композициялық ыр­ғақты әрқилы жеткізеді. Құл­пырған бояулар динамикасы көрінбейтін шындық реа­лизмін қиял жетегінде шарықтады. «Олардың ойланысы, үміті, табысы, ба­қыты, қиялы мен дауысы жас суретшілердің толассыз із­деніс үстінде жүргендерін көрсетеді. Бірі абстракцияға ден қойса, енді бірі форма арқылы ізденеді. Бұл жолғы жұмыстарын салыстыра қарай отырып, бүгінгі бояуларында сары, қызыл, көк сынды бірыңғай жағымды түстер басым түскен. Жақсылықты іздеу, көрген-білгенін өз шығар­машылығында көр­сету. Болды, толды деп айта алмаймыз, әр көрме – өсу, дамумен сабақтасады. Жастар кешегі мен бүгінгі жеңістерді өз жұмыстарында үндестіріп, айдай әлемге көрсете алса деген тілегім бар», деген Қазақстанның мәдениет қай­раткері, ардагер суретші Ермек Асылханов жастардың шығармашылық ізденудегі уақыт тынысын дөп басар еркіндік пен бостандық идея­сын алдыңғы қатарға қояды.
Баннер
Соңғы жаңалықтар

Хат қоржын (23.09.2019)

Қоғам • Бүгін, 09:59

Қостанай қыста тоңбайды

Аймақтар • Бүгін, 09:48

«Мал да жоқ, қайыр да жоқ»

Қазақстан • Бүгін, 09:46

Бюджет тиімді жоспарлануы тиіс

Аймақтар • Бүгін, 09:25

Халхын-гол шайқасының қаһарманы

Руханият • Бүгін, 09:09

Ақын тойына дайындық қалай?

Руханият • Бүгін, 09:08

Даму бағыты айқын

Аймақтар • Бүгін, 09:00

Бояулармен бедерленген «Ботай»

Руханият • Бүгін, 08:55

Алатаудың ақиығы

Руханият • Бүгін, 08:54

Қос ақын үзеңгі қағыстырды

Руханият • Бүгін, 08:51

Ел ардақтаған ер Әбіш

Руханият • Бүгін, 08:45

Италияда топ жарды

Спорт • Бүгін, 08:37

«Барыс» «Тракторды» жеңді

Спорт • Бүгін, 08:32

Мәжілістегі кездесулер

Саясат • Бүгін, 08:17

Түркістан – жастар қаласы!

Аймақтар • 21 Қыркүйек, 2019

Ұқсас жаңалықтар