Президент бірінші кезекте жұмыс орындарымен қамтамасыз етуге Үкіметтің көңіл бөлу қажеттігін атап өтті. Яғни, тұрақты жұмыс орындарының құрылуы – елдегі тұрақтылықтың кепілі. Президент сонымен қатар өкілетті органдарға бюджеттің әлеуметтік басымдықтарына қатысты нақты тапсырма берді. Бюджеттің имидждік жобаларға емес, нәтижелі істерге бағытталуы қажетттігіне мән беруді, сондай-ақ Есеп комитеті мен Үкіметке бюджет қорларын тиімді пайдалануға байланысты жауапкершілікті арттыру жағын тапсырды. Квазисектор қызметіндегі әлеуметтік-экономикалық аспектілерді бақылау бойынша жұмыстар өз алдына. «ҚазАгро»-ның осы жартыжылдықтағы шығынын ескеретін болсақ, осындай сорақылықтардың салдарынан елдегі әлеуметтік саясаттың тиімді жүзеге асуы мүмкін болмай отыр. Президенттің мемлекеттік қызметкерлердің жауапкершілігіне қатысты мәселені көтеруі олардың жұмысына бақылаудың күшейгенін көрсетеді. Мысалы, Арысқа қатысты нақты қандай жұмыстардың атқарылғанына қатысты сараптама жасалып, 10 тамызға дейін дайын болуы тиіс. Әрі төтенше жағдайларға байланысты жауаптылар жазаланатын болады.
Президент қатысқан Үкімет отырысынан кейін барлық тиісті органдар басшылары жұмыс істеу тәсілдерін өзгертіп, істеріне жауапкершілікті сезінетін жағдай қалыптасуы тиіс.
Юрий БУЛУКТАЕВ,
