Саясат • 23 Шілде, 2019

Есірткі заттарын саудалаған 1200-ден аса сайт бұғатталды

120 реткөрсетілді

Бұл туралы арнайы баспасөз мәслихатында Нұр-Сұлтан қалалық ІІД есірткі бизнесіне қарсы күрес бөлімінің басшысы Сергей Ильяных хабарлады. Биыл қылмыстың осы түрі бойын­ша 82 іс қозғалыпты.

Оның ішінде 50 деректе, құрықталған тұлғалар есірткі саудасымен айналысқаны мәлім болды. Тәртіп сақшылары, әсіресе синтетикалық есірткі заттарының таралуына тоқтау болмай тұр­ғанын айтады. Мәселен, ағым­дағы жылы заңсыз бизнесті кә­сіп еткен қылмыстық топтың ісі әш­кереленді. Анықталғандай, ұстал­ғандар саудалаған өнімнің кірі­сін Qiwi әмиянға аудартып отырған.

– Арнайы операция Қазақ­стан бойынша жүргізілді. Қыл­мыскерлердің сыбайластары Шымкент, Алматы және Қара­ғандыда қолға түсті. Шұғыл операция барысында мыңнан аса психобелсенді заттар, сондай-ақ тағы 200 грамм мөлшерінде қауіпті дәрі тәркіленді. Би­ыл­ғы жартыжылдықта астанада есірткіні сақтау мен пай­далануға қатысты 209 факті анықталды. Демек, бұл күн сайы­н бір адамның қылмыстық жауап­кершілікке тартылатынын білдіреді. Психобелсенді зат­тарды пайдалану бойынша 8 дерек тіркелсе, есірткіні сақтау мен өткізуге байланысты 136 іс әшкереленді, – дейді Сергей Ильяных.

Сол секілді құқық қорғау­шылар интернет ресурстарын ұдайы бақылауда ұстап отыр­ғандарын жеткізді. Арнайы мони­торингтің нәтижесінде 2018 жылдан бастап бүгінге дейін есірткі заттарын жарнамалап әрі оның саудасын қыздырған сайттардың жұмысы тоқтатылған екен.

– Былтыр қыркүйек айынан бастап осы уақытқа дейін 1200-ден аса интернет сайттың есірткі бизнесімен айналысқанын анықтадық. Тиісті мәлімет Ақпарат және қоғамдық даму минис­трлігіне жолданды. Ғалам­торда сайт ашу аса қиынға соқ­пайды. Бұған қоса осыған қатысты алаяқтық әрекеттерді де жоққа шығармаймыз. Қыл­мыскер есірткіге тәуелді азаматтың жағдайын пайдаланып, ақшаны интернет-банкингке аудартқызып, клиенттерін сан соқтыруы да мүмкін, – дейді қалалық ІІД есірткі бизнесіне қарсы күрес бөлімінің басшысы.

Десе де сарапшылар елде қауіпті затқа байланғандардың қарасы біртіндеп азайғанын алға тартты. Нарколог дәрігер Тоқтар Қойшыбеков, қазір есірткіге тә­уелді қазақстандықтардың ұзын саны 20 мыңның, ал алкогольді ішімдіктен құтыла алмай жүр­гендер 100 мыңның айналасында екенін атап өтті.

Баннер
Соңғы жаңалықтар

Алматыда жиһаз қоймасы өртенді

Аймақтар • Бүгін, 15:46

Балуандарымыз бабында екен

Спорт • Бүгін, 09:39

Қазақ даласында 10 жыл ат үстінде

Аймақтар • Бүгін, 09:35

Ән мен дәм

Қоғам • Бүгін, 09:22

Әкенің беделі

Аймақтар • Бүгін, 08:59

Қазақтың алтын қазынасы

Руханият • Бүгін, 08:50

Әлеуметтік саясатқа ден қойды

Қазақстан • Бүгін, 08:35

Мәжілісте күн тәртібі нақтыланды

Парламент • Бүгін, 08:14

Ұқсас жаңалықтар