Тәжікстанмен алыс-беріс көбейеді

Экспортшылар үшін биыл 9-шы рет өткен, жыл сайынғы сау­да-экономикалық миссия қазақ­стандық тауарлардың Тәжік­стан нарығында саудасын жүргізіп, жергілікті кәсіпкер­лермен байланыс орнатуды көздейді. 

Тәжікстан бұл неғұрлым тиімді бағалар мен жеткізу шарт­тары екендігі аян. Осы кез­десу­лерде қажет­ті құрал-жаб­дық­тарды сатып алу әрі ел­ден тысқары серік­те­с­тердің қол­дауына ие болу қарас­тырылған.

Екі елдің шекаралары шек­­­теспейтініне қарамастан, Қазақ­стан 10 жылдан бері Тәжік­стан­ның сыртқы сауда әріптесі және екі ел өкілдерінің пікірінше, Қазақстан Тәжікстанның басты сауда серіктесі ретінде қалып­тасуының келешегі бар.

Мәселен, өткен  жылдың қорытындысы бойынша мемлекеттер арасындағы тауар айналымы 845 миллион долларды құраған. Бірақ Душанбе мен Нұр-Сұлтан қалалары екіжақты тауар айналымын екі миллиард долларға дейін жеткізуді жоспарлап отыр. 

Бұл үшін Үкімет «2018-2022 жылдарға арналған Тәжікстан мен Қазақстан арасындағы та­уар айналымын ұлғайту жөніндегі жол картасын» дайындап жатыр. Бұдан басқа, елде 2007 жылдан бері Қазақстан-Тәжікстан тікелей инвестициялар қоры жұмыс істейді.

Сондай-ақ Премьер-Министр Асқар Мамин мен президент Эмомали Рахмонның жуырдағы кездесуі Нұр-Сұлтан мен Душан­бенің жақындауының кезекті айғағы екенін көрсетті. 

Осы сапарлардың нәтиже­сінде екі тарап жалпы сомасы 80 миллион доллардан аса­­тын Қазақстан-Тәжікстан ынты­мақ­тастығын нығайтуға бағыт­талған оннан астам құжатқа қол қойғанын айта кету керек.

Осылайша, 11 шілдеде сау­да-экономикалық миссия оты­ры­сында Hyundai Trans Kazakhstan өкілдері Тәжікстанға 50 JAC машинасын жеткізуді талқыла­са,  PALLANT TRADE ЖШС өнім­дерін консервілеу зауыты 1 миллион долларға «Тәд­жеро­контракт» ірі дистри­бью­торлық компаниясымен келісімге қол қойды.

Бір аптадан кейін Душанбедегі сауда-экономикалық миссия­­ның келесі отырысына тәжік эко­но­микасы үшін маңызды энер­ге­тикалық саламен байланысты қазақ­стандық компаниялар келді. 

Тәжік аграршыларын бидайды крахмалдан биоотынға дейін терең өңдеумен айналысатын  KazFoodProducts компаниясы­ның және Био-Katu фирмасының өнімдерін органикалық ты­ңайт­қыш­тарға қайта өңдейтін өнім­дері қызықтырады. Сол сияқ­ты 18 шілдеде компания «СиноТехникс Тәжікстанмен» әріп­тестік қарым-қатынас туралы меморандумға қол қойды. Сол күні «Баракати Истиклол» «Түр­ген-экопродукт» компаниясымен ара шаруашылығы өнімдерін жет­кізу туралы келісті.