Қандықол браконьер құрықталды

Бұл оқиға туралы Ішкі істер министрі Ерлан Тұрғымбаев ар­найы мәлімдеме жасады. Жа­рия болған мағлұмат бойын­ша «Охотзоопром» ӨБ» РМҚК Орталық өңірлік филиалы­ның инс­пекторларына шабуыл жаса­ған қылмыскерлерді анықтау және ұстау үшін республика көле­мінде «Ұстау» жоспары жаса­лып, қолдағы деректер бар­лық ай­мақ­тарға жөнелтілген. Оқи­ға ор­нына жақын орналасқан Ақ­мола, Қостанай және Солтүстік Қа­зақ­стан облыстарының жеке құра­мы дереу күшейтілген қыз­мет­ке көшірілген. Облыстық жә­не республикалық маңызы бар жолдарға блок-бекеттер қойы­лып, үш облыстың автожолдары бойымен жедел-іздестіру топтары жіберілген. Іздестіру жұ­мыстарына ІІМ ТЖК тікұшақ­тары, ІІМ Криминалдық поли­ция департаментінің және «Ар­лан» арнайы бөлімшесінің қызмет­керлері қатысты.

Жоспарланған іс-шаралардың нәтижесінде Арқалық қаласының тұрғыны күдікті ретінде анық­та­лып, қамауға алынды. Сондай-ақ қылмыс орнынан 20 шақырым жерде қалдырып кеткен «Нива» мар­ка­лы автокөлік табылды. Қа­зіргі уақытта күдіктіге қатысты тергеу амалдары жүргізілуде. Қыл­мыс құралы мен оқ-дәрі­лер тәркіленді. Бірқатар крими­­налистік сараптамалар белгі­ленді. Бұл қылмысқа басқа да қаты­сушылардың бар-жоғы тексе­ріліп жатыр. Қорықшы Қ.С.Нұр­тазиновтың өліміне және қо­рықшы С.К.Оспановты өлтіру әре­кетіне байланысты  Қылмыстық кодекстің 99-бабы, 2-бөлімі бойынша қылмыстық іс қозғалды.

Сонымен қатар Ішкі істер ми­нистрі Ерлан Тұрғымбаев ішкі істер органдарының браконьер­лік­тің алдын алу және жолын кесу бойынша атқарып жат­қан жұмыстары туралы хабар­ла­ды. «Жыл басынан бері киік­терді бра­коньерлік жолмен аулау фак­тісі бойынша 37 қыл­мыстық іс қозғалды, 32 адам ұс­тал­ды. Сон­дай-ақ 634 киік мүйізі, қылмыс құралдары, 13 ав­то­көлік және 19 атыс қаруы тәр­кі­ленді. Келтірілген шығын кө­лемі 1,3 миллиард теңгеден асты. Браконьерлік үшін әкім­ші­лік және қылмыстық жауап­кер­ші­лікті күшейту, оның ішінде мүлік пен қылмыс құра­лын тәр­кі­леу туралы ұсы­ныстар енгі­зілді. Табиғат жә­не жан-жануар­лар әлеміне қатыс­ты заңдар­ды бұзушылар келтір­ген зиян үшін өндірілетін өтем­ақы мөл­шерін арттыру мәсе­лесі де пы­сық­талуда. Орман шаруа­шы­лығы және жан-жануарлар әле­мін қорғау бөлімшелерінің көлік­терін арнайы жарық және дыбыс сиг­нал­дарымен жаб­дық­тап, бел­гілі бір түске бояу туралы іс-шаралар әзірленді», деп көр­­сетілген ми­нистрдің мәлімде­месінде.

Киіктердің өмірін арашалап жүріп ажал құшқан Қаныш Нұр­тазиновты ақтық сапарға шы­ғарып салу рәсімі 26 шілдеде Қарағанды облысының Жезқаз­ған қаласында өтеді. Марқұмның денесі туған ауылына ертең жеткізілсе, туыстары мен жақын­дары жаназасын жұма күні шы­ғарады.

Ал жараланған екінші инс­пектор Самат Оспановтың өміріне қазіргі уақытта қауіп төніп тұрған жоқ. Оған Державин ау­­дандық ауруханасында ота жа­­салды. Көп бейінді аурухана директорының хирургия жө­нін­дегі орынбасары Дмитрий Чай­ков науқасты қосымша тексе­руден өткізіп, кеуде қуысын және иық сүйегін компьютерлік томографияға түсіргендерін ха­барлады. Қазір ол травматоло­гия бөлімшесінде күзеттің қа­дағалауымен арнайы палатаға жатқызылған.