Мәлім болғандай дәрігер Н. Отарғазиев облыстық балалар ауруханасының қабылдау бөлімінде немересін қаратуға келген азаматшамен сөзге келіп, түсінбеушілік кезінде бір-бірін балағаттаған. Жеке бастың ар-намысына тиетін сөздер айтылған, екеуара жанжал кезінде айналасындағыларға кедергі келген. Тексеріс барысында, Ақтау қаласы мамандандырылған әкімшілік сотының 2019 жылғы 19 шілдедегі қаулысымен облыстық балалар ауруханасының хирург дәрігер Қазақстан Республикасы ӘҚБтК-нің 434-бабының 2-бөлігінде көзделген әкімшілік құқық бұзушылық жасағаны үшін кінәлі деп танылып, оған осы баппен 1 тәулік мерзімге әкімшілік қамаққа алу түріндегі әкімшілік жаза қолданған. Мамандардың айтуынша, аталмыш дәрігердің атына бұған дейін де арыз түсіп, яғни, Ақтау қаласы мамандандырылған әкімшілік сотының 05.03.2019 жылғы қаулысымен ҚР ӘҚБтК-нің 434 бабының 1 бөлігімен әкімшілік жауапкершілікке тартылып, оған айыппұл салынған.
-Қаулы заңды күшіне енген жоқ. Сот қаулысына тараптар он тәулік iшiнде апелляциялық шағым немесе өтінішхат келтіре алады, деді Ақтау қаласы мамандандырылған әкімшілік сотының судьясы Сүйеуова Гүлмира.
Сондай-ақ, екінші тарап та Ақтау қаласының мамандандырылған әкімшілік сотының 2019 жылғы 19 шілдедегі қаулысымен Қазақстан Республикасы ӘҚБтК-нің 434-бабының 1-бөлігімен кінәлі деп танылып, оған 5 айлық есептік көрсеткіш мөлшерінде әкімшілік айыппұл төлеу жөнінде шешім шығарылған.
Маңғыстау облысы
