Коммунистер кімдер?

 Коммунистер кімдер?

(жолдас Калининның сөзі)

Коммунист деген сөзді әркімдер біледі. Бірақ коммунистердің дұспаны аз емес. Оның себебеі коммунист деген сөздің асыл мағынасын дұрыс ұға алмағандық. Коммунист дегендерді мұндай бір бөлек халық – өзінің азғана халқы үшін ғана дүниенің бар жақсылығын іздеп жүргендер деуге болмайды. Коммунист дегендер олар жалпы бейнетқор халықтың көшбасшылары. Бұлардың мақсұты еш халықтың өмірінше бейнет сүріп, оның үмітіне жоқтық зарын тартпаса екен һәм өзі бейнеттенбей бейнет қылушылардың арқасында рахатпен өмір сүрушілер де болмаса екен деген.

Соның үшін адам баласының барлығы бірдей болып, тегіс өз күштерімен еңбек етіп, өмір сүрулерін тілейді. Әгәр біреу еңбек етсе, оған әлінен келетін жұмыс берілуі тиіс һәм мәмләкәт қол астында жалпы халықтың еңбегіменен табылған халыққа пайдалы нәрселер болса, олар жұртқа тегіс бөлініп берілуі тиіс.

Өз басына бөлек еңбек қылудан шығып, жалпы шаруа еңбек ұйымына бірігу.

Қазіргі заманда біздің бәрімізге мәлім: бөлек өз басымызға болмаса өз үйіміз үшін ғана еңбек қылып, бөтендерден бөлініп қалу мүмкін еместігі. Бұл мақалды шаруалар мұнан бірнеше жүз жылдар шамасында айнала тоғай-орман , батпақпен (томар) қамаулы әр халық тап-табымен тұрып, өмір сүрген замандар да ғана мүмкін болған. Біздің совет Республикасы үлкен дальный востоктан күнбатысқа дейін, солтүстіктен оңтүстікке дейін созылады. Бұл республиканың бір жерлері бар күннің көзі кісінің қақ төбесінен түсіп, қыздырып тұрады. Екінші жерінде жаз үш-ақ ай болады. Міне, осындай себептермен біздің мәмләкәтімізде бір түрмен шаруалық жүргізу мүмкін емес. Соның үшін де бір жерде егін егіледі, бір жерде темір-тас көмір табады.

Осы әртүрлі кәсіп етушілердің барлығы да бірінен-бірі керегін алмай күнелте алмайды. Коммунистер осылардың барлығын біріктіріп, жалпы мәмләкәтта шаруа-еңбек ұйымын орнатпақ һәм ол ұйымның жемісін жалпы халыққа бірдей үлестірмек. Бұл жұмыс бір кісінің қолынан келмейді. Жалпы халықтардың еңбектерінің күшімен болашақ.

Коммунистерді не нәрсе қуаттандырады?

Біздің тұтынған жолымыз .... шаттық. Совет республикасы үшін ақ жүрек, шын ықыласпен қызмет қылып жүргендердің бәрі де шаршаулы. Шаршамағандар ....... Кім де кім халқына жаны ауырса, сол кісі арына шаршаған. Бірақ біздің көздеген мақсұтымыз бір минут демалуға пұрсат бермейді һәм демалу деген нәрсе көздеген мақсұтымыз жақын, жеңуімізге көзіміз жетіп, жеңу сызығын аттағалы тұрғанда һеш мүмкін емес.

Алдымен жеңіп, сонан соң демалу керек. Егер біздің қолымызда зеңбірек, пулеметтер, қаһарманды қызыл әскерлер тұрған уақытта дұспанымызды жеңуге таяп келген шамада шаршадық деп берекемізді кетірсек, келешекте нәсіл-нәсебептеріміз бізге айтпақшы: аталар, қолдарыңда қару, зеңбіректер бола тұрып, мың жылдық жауды ... жеңуге таяп келгенде шаршауды қабыл қылып, соғыстан қашып, барлық істі жойдыңдар деп. Коммунистер жалпы еңбекшілдердің шын ұлдары, шын қаһармандары. Олар бүкіл бйенетқор халықтардың алдында я өлеміз, я бостандықты бейнетқорларға алып береміз деп ант берген сабаздар. Осы айтылған бостандық һәм болашақ: Пәлектің паңдары, ағылшынның алтыауыз алпауыттары һәм Американың фабриктері бұл бостандықты болдырамыз деп жүрген неше миллион халықты һәм қаһарман қызыл әскерді жоя-алашақ емес.