Барлық өңірлердегі ҚХА Достық үйлері базасында сағат 11.00-ден 16.00-ге дейін Ассамблеяның дәстүрлі жыл сайынғы «Медиация кабинеттерінің ашық есік күні» акциясы өтеді. Ол қоғамдық келісім мен жалпыұлттық бірлік саласындағы медиация институтын дамытуға бағытталған. Іс-шаралар барысында медиаторлар қызығушылық танытқан барлық азаматтарға кеңестер береді және өтеусіз негізде медиативтік келісімдер жасайды.
Акция соттардың, прокуратураның, әділет органдарының, жергілікті атқарушы органдардың, қоғам қайраткерлерінің, кәсіби медиация орталықтары өкілдерінің және т.б. қатысуымен ұйымдастырылады.
Іс-шаралар барысында ҚХА «Жаңғыру жолы» республикалық жастар қозғалысы мүшелері медиацияны дамыту мәселелері бойынша тұрғындар арасында сауалнама жүргізуі көзделген.
