Руханият • 07 Тамыз, 2019

Желаяқ «суретші»

96 рет көрсетілді

Сан-Францисколық Ленни Моган спортты көркем өнерге айналдыра білген бірегей жан. Ол жүгіретін маршрутын алдын ала ойластырып, картаның көмегімен басып өткен жолын өнер туындысына айналдырады.

Мысалы, оның картадағы кезекті маршруты мексикалық суретші Фрида Калоның портреті ретінде көрінді. Мұны жасау үшін желаяқ жігіт 47 шақырым аумақты алты  сағат ішінде жүгіріп өткен. Осылайша ол соңғы төрт жылда бас-аяғы 54 сурет құрастырып шыққан. Раушан гүлі, толқынды шашын самал тербеткен бойжеткен, құйрығын тіктеген мысық сияқты тамаша өнер туындыларымен талайларды таңғалдыр­ған «суретші» Сан-Франциско­ның 20 жылдан бергі тұрғыны. Оның шығармашылығына арқау болған тақырыптар да осынау әсем қаланың тарихымен астасып жатыр. Алғашқы теледидар, Калифорниядағы орманды өрттен құтқарушылардың дулығасының бейнесі оның табан ізінен сусып түсіп жатса, Бэтмен символы қа­ланың ең тамаша ортаңғы бөлігін қамтиды.

«Сан-Франциско көшелері мен үшін кенеп бетіндей. Бір-біріне жалғасқан көшелер арқылы түрлі фигураларды ойлап табамын. Аспандағы ақ бұлттан түрлі бейнелер жасап алатын баланың ісі сияқты, қызық дүние», дейді желаяқ «суретші».

Соңғы жаңалықтар

Тағы 1650 қазақстандық індет жұқтырды

Коронавирус • Бүгін, 09:00

Софиядан олжалы оралды

Спорт • Бүгін, 08:40

Жас теннисшілер жарады

Теннис • Бүгін, 08:32

Тұтынушы құқығын қорғайды

Қазақстан • Бүгін, 08:27

Айбергенов күнделігі

Әдебиет • Кеше

Кофе және әдебиет - 6

Әдебиет • Кеше

Жасанды интеллект дәуірі

Технология • Кеше

Ұқсас жаңалықтар