Алатаудан ескен салқын самалмен тыныстап, ашық аспан аясында фильм тамашалауға келген тұрғындар ұйымдастырушыларға дән риза. Бұл көңіл-күйді көтеріп, жаныңа жылылық сыйлайды дейді қала жұртшылығы.
«Аталған шараның басталғанына 4 апта болды. Тамыз айы бойы жалғасын табады. Ендігі жұмадан бастап біздің жобамыз кеңейіп жатыр. Оның да графигі жақында жария болады», – деді «Алматы бас жоспар» ғылыми-зерттеу институты басшысының орынбасары Қуат БАЙЫРОВ.
Еске салсақ, алматылықтар әр сенбі сайын отандық кинотуындыларды тамашалай алады. Көрсетілімнің тұрақты өтетін орны Абай даңғылы, Гагарин мен Жароков көшелерінің ортасында. Толық ақпаратмен Q-Lab қалалық жобалар зертханасының фейсбуктағы парақшасы арқылы танысуға болады.
