Оқу орнының география және туризм кафедрасының мәліметінше, енді алдағы уақытта құжат негізінде бірлескен оқу бағдарламалары, академиялық мобильділікті дамыту, қос магистратура, ортақ тәжірибелік шаралар мен экспедиция бағыттары бойынша тиісті жұмыстар атқарылады.
Ал, өзбекстандық оқу орнының өкілдерін біздің университет ұсынатын қосымша білім беру, академиялық алмасу, тағылымдамадан өту және оқытушылардың біліктілігін арттыру мүмкіндіктері қызықтырды.
Тәжірибелік дәрістер барысында кафедраның қауымдастырылған профессоры Ғалымбек Ажаев Самарқанд Экономика және сервис институтының студенттеріне халықаралық және экологиялық турзим мәселелері тақырыбында дәріс оқыды.
- Бірнеше күннің ішінде студенттер өзбек халқының салт-дәстүрлері мен тарихымен танысты. Мыңжылдық тарихы бар қалаларды аралап, көріп, жақсы әсерелер алдық, - дейді кафедраның тәжірибе жөніндегі жетекші Ғалымбек Ажаев.
Сапар барысында С. Торайғыров атындағы мемлекеттік университеті мен Самарқанд экономика және сервис институты ынтымақтастық жөніндегі меморандумға қол қойды.
ПАВЛОДАР
Суретті түсірген: Руфина Торпищева
