Аймақтар • 19 Тамыз, 2019

Алматыда пәтер ұрлығы азайған

37 реткөрсетілді

Өткен жылы қала іргесінде тұратын танысымыздың үйін тонаған баукеспелер нақ сол күні, дәп сол көшеде тұратын тағы бір үйдің дүние-мүлкін қолды еткен. Арызданушылар мұны ұрылардың бір үйден алған қымбат тымақты келесі бір үйге тас­тап кеткенінен білген. Аңғарғанымыздай, бөгденің қасықтап жинаған несібесіне қол сұғып, оңай олжаға кенелеміз деген қылмыскерлер тапайдың тал түсінде біреудің пәтеріне бас сұғып кіруге еш қымсынбайтын болған.

Алматы қалалық Полиция де­партаментінің ақпаратына сәй­кес, шаһардағы тұрғын үй аула­лары мен қоғамдық нысандар аумағына орнатылған бейнекамералардың арқасында бөтеннің мүлкін ұрлау қыл­мысы едәуір  азайып отыр. Статис­тикалық деректер бойынша пә­тер тонау – 2,3 есеге, автомобиль ұрлығы – 2,9%, ұялы телефон ұрлығы – 48,1%, көлік айналарын ұрлау – 4,3% -ға, қалта ұрлығы – 3,4 есеге, көлік ішінен зат ұрлау – 13,5%, түсті және қара металды ұрлау 21,7%- ға азайыпты.

Мамандар қылмыстың ал­дын алу мақсатында IT тех­но­логиялардың мүмкін­дігін белсенді пайдалануда. Бүгінде қалада 120 мыңға жуық бей­небақылау камерасы бар десек, олардың 90%-ы бюджеттен тыс қаржыға орнатылған. Бейнетаспаға жазылған материалдарды қолдану нәтижесінде соңғы үш жылда пәтер ұрлығы 2,9 есе төмендепті.

Қорасыз қой бағып, отауы­на құлып салмаған жұрт бүгінде же­ке мүлкінің қауіпсіздік мә­селесіне алаңдамай тұра ал­май­ды. Қала аумағындағы пә­тер ұрлығының азаюына тұр­ғындардың өз дүние-мүлкіне ық­тиятпен қарап, түрлі ақылды камералар орнатуы мен күзет мекемелерінің қызметіне жүгінуі  сеп болып отыр.

 

АЛМАТЫ

 

Соңғы жаңалықтар

Басты ақпарат (28.02.2020)

Видео • Бүгін, 18:36

Шымкентте Алғыс айту күні аталып өтті

Оңтүстік Қазақстан • Бүгін, 15:44

Оралда коронавирус бар ма?

Қоғам • Бүгін, 15:36

Көшпелі көрмемен танысты

Абай • Бүгін, 12:57

Абай – ұлттың ұстазы

Абай • Бүгін, 12:44

Ауыр сынақ, қиын сұрақ

Аймақтар • Бүгін, 12:15

Бейбіт жиын қандай болуы керек?

Аймақтар • Бүгін, 11:28

Түркістан облысында су тасқыны қаупі жоқ

Оңтүстік Қазақстан • Бүгін, 11:20

Ұқсас жаңалықтар